Chhanchhuahna Camping tlawh

Central Kristian Thalai Pawl (CKTP) in Synod Revival Camping Centre Neihbawiha ruihhlo ngaiten tisa leh thlaraua damna an chan theih nana ni 20 awh tur ‘Chhanchhuahna Camping’ a buatsaih chu Thawhlehni zan khan Central Young Mizo Association (CYMA) hruaituten tlawhin puihna sumfai cheng nuai khat an hlan.
Central KTP leader Rev Dr F Pachhunga chuan Mizo thalai tam tak ruihhloin nasa taka a tihbuai mekte chhanchhuak tura Central KTP rawngbawlna hriatsak a, an rawngbawlna tichak tura Central YMA a rawn pen chhuak chu lawmawm a tih thu sawiin, hei hian rah tha tak a chhuah ngei a ring tih a sawi.
Central YMA president R Lalngheta chuan thalaiten ruih tur kan duh si chu a manganthlak takzet, tiin, anmahnia talchhuak thei tawh lo, ruihhloin a tih buai kan thalai rualte chhanchhuak tura Central KTP hmalakna fakawm an tih thu a sawi a. An tha tihchakna a nih beiseiin an tih theih tawk tih an duh tih a sawi a ni.
Camping-ah hian veng hrang hrang atangin ruihhloin a tihbuai mek thalai 507 lutin, mi engemawzat an tlanchhuak leh a, tunah hian campers 200 vel an la awm a ni. Krista Remna Palai Team rawih an ni a, T. Upa Jerry Laltanpuia chu speaker a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More