Chhiah lak zat bi thar hnuah November-a hmuh zat pung

Chhiah lak zat bi thar hnuah November-a hmuh zat pung
India chuan November thlaah goods & services tax (GST) atangin $ tluklehdingawn 18.98 a hmu a, a hma kum November thla aiin 0.7%-in a khawn chhuak tam.
Hetih lai hian chhiah lak khawm pum puia chhut tel thin, bungrua leh service hrang hranga cess a lak tel nen erawh chuan sorkarin thla hmasaa chhiah a lak khawm hian nikum tun ang hun a lak khawm zat chu 4.2%-in a phak lo ve thung.
November thlaa chhiah khawn khawm hi October thlaa inhralhna atanga lak a ni a, Narendra Modi-a sorkarin vantlang hman chi bungraw hrang hrang hralh a tam zawk theih nan chhiah lak zat bi a tihhniam thar avangin thla hmasaa chhiah khawn chhuah zat hian ngaihven a hlawh.
Miin chhiah tlem zawk avanga thil man tlawm zawka an lei theih chuan thil an lei tam sawt ang a, chu chuan rethei zawkte a chawi kang dawn a, thil lei tam chuan chhiah hmuh a tam dawn tho avangin a hmaa mi nena hmuh zat a danglam dawn chuang lo niin sorkar chuan chhiah lak zat bi a tuk thar laiin a sawi a ni.
BDO India-a partner – indirect tax Karthik Mani-a chuan thil lei a tam hian GST lak zat bi tihhniam chu a chawh chhiat phak tho beisei a nih thu a sawi bawk a. “Chutih rual chuan a pum pui (cess tel vek)-a GST lak khawm chu a hniam ta hret a ni,” a ti.
Chhiah lak zat tihhniam hma ang kha ni se sorkarin chhiah a khawn khawm zat hi November, 2024 aiin 1.3% chuangin a tam zawk dawn niin a sawi.
India hian September 22 khan shampoo leh car tenau deuh chi thlengin chhiah a lak thin zat bi chu a tihniam a. October thlaa chhiah khawn zat kha chu a hma thla tawp chauhva chhiah bi thar hman a nih avangin en fiah nan a tawk lo va, November kha thla puma chhiah lak bi thar hman a nih hmasak ber a nih avangin dinhmun teh nan a hman tan theih niin mi thiamte chuan an ngai.