Chhiah lakluh la pung hleithei lo Thla 6 chhungin vbch. 650 a lut

Mizoram sawrkarin ama puala chhiah a lakluh ve chu thla 6 chhungin cheng vaibelchhe 650 vel a ni a, a bikin Goods & Service Tax-a a lakluhin san lam a la pan thei lo.
Taxation department chhinchhiah danin, 2025- 2026 sawrkar kum kal mekah April atanga September inkar chhung khan GST bikah hian Rs. 465,48, 88,985 hmuh a ni a; a luh that ber tum chu April hi niin Rs. 106,81, 64,676 a lut. Hemi hnu hian cheng vaibelchhe 80 tlin a awm tawh loa, June-a June 2025 Rs. 76,63,38,884 chu a hnulama a luh that ber tum a ni.
Mizoram sawrkarin cess a lakna pahnih – Road Maintenance Cess-ah thla 6 chhung hian Rs. 24,51, 86,131 a hmu a; Social Infrastructure & Services Cess-ah pawh heti zat tho hi a ni. April leh June ah cheng vaibelchhe 10 a chuang ve ve tih loh chu, thla dang hoah hian cheng vbch. 2 tlinna a awm lo.
Heng chhiah pahnih tih loha state sawrkarin chhiah a lakluhna danga thla 6 chhunga a hmuh chu – sales tax Rs. 125,60, 73,847; profession tax Rs. 10,24, 67,352 leh entertainment tax Rs. 30000 a ni a. Entertainment tax bik hi April, July leh August ah Rs. 10000 theuh a hmuh bak lut a awm lo. Salex tax hi April leh July ah cheng vbch. 50 a chuang tih loh chu thla dangah hian vbch. 2 hmuh tlinna a awm lo a ni.
Thla – Lut zat (Rs)
April – 179,51,94,242
May – 81,28,30,654
June – 84,79,99,728
July – 1,49,36,32,258
August – 73,85,45,328
September – 81,56,30,236
Total – 650,38,32,446