Chhiat tawkte tanpui

Tlawmngai pawl – Goodwill Foundation chuan tunhnaia Cyclone Remal avanga chhiatna tuar leh harsatna tawk chhungkua 300 hnenah eitur chi hrang hrang an pe.
Goodwill Foundation hian Falkawn, Melriat, Hlimen, Melthum leh Maubawka chhungkaw thlan chhuah 300 hnenah buhfai, dal, chini leh thildang an pe a. Hheng khua leh venga VC leh YMA ten lo dawngsawngin tanpuina hi sem a ni.
Cyclone Remal avanga harsatna tawkte tanpuina tur hian Goodwill Foundation hian hmun hrang hrangah project siamin an thehlut a. Donatekart kaltlangin Amazon-in he tanpuina hi an rawn tum a ni.
Baptist Church of Mizoram hnuaia Relief & Development Department pawhin cyclone-in Mizoram hmun hrang hranga chhiatna a thlen – leimin avanga chhiat tawka in leh lo leh nunna chan chhungkuate chu chhawmdawlna Rs. 202000 a pe chhuak. Chhawmdawlna sum hi bialtu pastor-ten an bial chhunga chhiat tawkte hnenah semin, bial hrang hranga chhungkaw 75 leh YMA Branch thenkhat hnenah hnatlang thingpui lumna atan pek a ni. Chhiat tawkte dinhmun azirin tanpuina pek dan hi a inang vek lo a ni.
Hetihlai hian Central YMA chuan Cyclone Remal vanga chhiatna tawkte tanpuina chu Chin Association of Maryland USA atangin Rs. 82000, Chin Community of USA & Chin TV USA, Chin Crisis Relief Community of USA atangin Rs. 600000 an dawng a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More