Chhim thlipui maw in tuar a!?

Ngaitei hlaah “Chhim thlipui maw i tuar a?” tih
a awm a, pi leh pute hun lai atangin chhim thlipui tih tawngkam hi a awm tawh. Vawiin thlengin mi thawm na deuh te an han tawng dawn te hian pa fiamthu thiamte’n ‘Chhim thlipui a thawk dawn e,’ te an lo ti thin.
Mizorama thli a thawt hian, a na deuh chu chhim lam atanga thawk a ni tlangpui a, pi leh pute khan Bay of Bengal an hriat hmain thlipui hi chhim lam atanga hmar lam pana thawk a ni tih an lo hre tawh. A Aw B neih hmain khawchin an thlir thiam a, May thla pawh to haw hun a ni tih hriatin |omir thla an lo ti daih tawh.
|omir thla chu thlipui thawh hun a ni a, kuminah pawh mocha cyclone a tleh. Chhim lam atanga thawk a ni a, Mizoramah pawh chhim lamah a na.
State Meteorological Centre enkawltute chuan Mizorama thlipui na deuh hi chhim lam atanga hmar lam hawia tleh a ni tlangpui a, nih chu a ni vek lo tih an sawi.
Mizoramin thlipui a tawn thin hi Mizoram chhim lam Bay of Bengal tuipui chung vela insiam, chuta tanga Mizoram lam pana thaw thin a ni tih an sawi a, mahse Mizoram hela a kal chang, chuta tanga hmar lam emaw khawthlang lam emaw atanga Mizoram lam a rawn pan leh chang a awm tih an sawi bawk. Nikum October vela thlipui tleh, Mamit district vel nuaitu pawh kha Bay of Bengal vela insiam ni tho mah se, Tripura lam hawiin a kal a, chuta tanga Mizoram khawthlang lam hawia tleh leh a ni an ti.
Pi leh pute hunah pawh |omir thla chu thli tleh hun a ni tih an lo hre tawh a, tunah chuan mocha cyclone a ni deuh kher tawh.
State Meteorological Centre lamin an sawi danin, Bay of Bengal, Indian Ocean leh Arabian Sea vela thli insiam dawng thin ram hrang hrangte’n cyclone hming tur hi 13 theuh an thawhkhawm a, chu chu a indawtin a hming atan an hmang thin. Ram hrang hrangte thawh kha a indawtin an hmang a, a thawhtu pawh a indawtin an kal. Mocha hi Yemen thawh a ni.
India ramah chuan cyclone tleh hun hi pahnihin an then a, pre-monsoon (March-June) leh post-monsoon (October leh November) te a ni. Mocha kha pre-monsoon a ni.