Social media-a mi chhaih nawmnahtute jail tang dawn

Social media lama dik lo taka mi chhaih nawmnahtu pahnih chu court-in jail tang tur leh sum chawi turin a hrem.
Kum 2022 September 13 khan New Delhi-ah Mizo nula a thi a, hemi kaihhnawihah hian social media lamah vanduaina tawk ta chungchangah thu dik tawk lo leh mawi lo vawrh darh zui a ni a. Thi ta chhungte hian diklo taka intihhmingchhiat vang hian court an thleng ta a ni.
Aizawl District Court chief judicial magistrate-ah criminal complain thehluh a ni a, he thu kal zelah hian F Lalhriathlua (22) (facebook-a Eric Fanai), Thuampui Veng Aizawl leh Lalrinkimi (23) (Fb-a Rebecca Kimi), Hunthar Veng Aizawl te chu Cyber Crime Police Mizoram chuan 2022 December 8 khan manin CJM Court Aizawlah hian an hruai a. Hemi ni vek hian jail-ah khung nghal an ni.
Thubuai ngaihtuah lai hian heng mi pahnih hian an thil tihsual chu an pawm tih an sawi a. Tun hnuah social media chu fimkhur zawka hman an tum tawh thu sawiin, court chu an lakah zahngaihna lantir tur leh a na lo thei ang bera hrem turin an ngen a ni.
Court hian May 15 khan he thubuaiah hian heng mi pahnih hi thiam loh chantirin, an pahnih hian kum khat chhung jail tang tur leh Rs. 10000 ve ve chawi turin a hrem a; sumfai chawi tur hi an nei lo a nih chuan thla 5 dang tana tlak turin a ti a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More