Chhimchhak Presbytery kum 100-na lawm

Chhimchhak Presbytery kum 100-na lawm
Mizoram Synod hnuaia Presbytery Inkhawmpui neih a ni a. Hemi rual hian Chhimchhak Presbytery chuan a kum 100-na (Centenary) a lawm nghal.
Mizoram Presbyterian Kohhran Inkhawmpui lian ber dawttu, Presbytery Inkhawmpui hi ramchhung hmun hrang hrangah October 10 atang khan Presbytery 41-ah neih tan ni a, Pathianni zan thleng a awh. October 11 hian kohhran upa nemngheh tur exam neih niin, chhunlamah Standing Committee, Pastoral Committee leh Nomination Committee an thu a, Inrinni nileng khan Presbytery Rorel neih a ni. Pathianni chawhma inkhawmah ‘Upa Nemngheh Inkhawm’ neih a ni a, chawhnu inkhawmah ‘Lalpa Zanriah Sakrament’ theha kilho niin, zan Pathian biak inkhawmah moderator kalchhuak hnen atangin ‘Valedictory Sermon’ ngaihthlak a ni.
Mizoram Synod hnuaia Presbytery upa ber zing ami, Chhimchhak Presbytery chuan kum 100 (1924- 2024)a tlin a lawm nghal a; October 12 khan Serchhip Presbyterian Kawnpui Kohhran biak inah neiin, chawhma inkhawmah Mizoram Synod moderator Rev R Vanlalnghaka’n Centenary lungphun a hawng a, Presbytery huamchhunga pastor, pro-pastor leh kohhran upa senior-ten Jubilee dar vawi 100 vua in, hemi hnu hian Centenary puala Pathian biak inkhawm neih chhunzawm a ni.
Chhimchhak Presbytery Inkhawmpui vawi 101-na hi Serchhip Kawnpui Kohhran biak inah hian thlarau lam thupui atan “Kohhran Inpumkhatna” tih hmanga hman a ni a. Chhimchhak Presbytery huamchhungah hian pastor bial 5 – Serchhip bial, Serchhip Vengchung bial, New Serchhip bial, Chhiahtlang bial leh Chhiahtlang Kawn Veng bial awmin, kohhran 24 an awm a, kohhran upa 158 leh tual upa 58 awmin, kohhran member 15345 an awm a, dan zawhkim 11481 an awm mek.
100 (1924- 2024)a tlin a lawm nghal a; October 12 khan Serchhip Presbyterian Kawnpui Kohhran biak inah neiin, chawhma inkhawmah Mizoram Synod moderator Rev R Vanlalnghaka’n Centenary lungphun a hawng a, Presbytery huamchhunga pastor, pro-pastor leh kohhran upa senior-ten Jubilee dar vawi 100 vua in, hemi hnu hian Centenary puala Pathian biak inkhawm neih chhunzawm a ni.
Chhimchhak Presbytery Inkhawmpui vawi 101-na hi Serchhip Kawnpui Kohhran biak inah hian thlarau lam thupui atan “Kohhran Inpumkhatna” tih hmanga hman a ni a. Chhimchhak Presbytery huamchhungah hian pastor bial 5 – Serchhip bial, Serchhip Vengchung bial, New Serchhip bial, Chhiahtlang bial leh Chhiahtlang Kawn Veng bial awmin, kohhran 24 an awm a, kohhran upa 158 leh tual upa 58 awmin, kohhran member 15345 an awm a, dan zawhkim 11481 an awm mek.