Chi leh chi inkara hem thlak a nih loh nan Mizo youtuber fimkhur turin duh

Chi leh chi inkara hem thlak a nih loh
nan Mizo youtuber fimkhur turin duh
Chi leh chi inkara inhriatthiam lohna tuh pawisa lo zawng tih ching Mizo youtuber chungah a tul anga hma lak an duh tih zirlai pawl chuan an sawi.
Mizo Students’ Union (MSU) leh Joint Hnampual zirlai hruaitute thuchhuak chuan, tunhnaia Manipur-a Zofate inkara inhriatthiam lohna thleng awm nia lang chu pawi an tiin, tha an ti loa, tunhnu zelah Zofate inkara inhmuhthiam lohna awm thei lakah mitin fimkhurin, a thlen tawh lohna atan theihtawp chhuah tlang ila, an ti.
Chi leh chi, unau inkara inhriatthiam lohna tuh pawisa lo leh hemthlak thin chu an dem tih an sawi a. Social media lam, a bikin Mizo Youtuber hetiang tihchingte chungah a tul anga hma lak nise an ti. Zofate inpumkhatna tinghet zual zel turin nasa zawka hma lak nise an ti bawk.
‘Manipur-a Zofate inkarah boruak tha a awm tawh tih hriat a ni a. A chhe zawnga boruak kal loa, inremna kawng zawh zawnga boruak a awm tawh avangin MSU leh Hnam Pual pawl hrang hrang chuan lawmthu kan sawi a ni,’ an thuchhuak chuan a ti.