Chidambaram-a’n lawmawm ti

Veteran Congress leader leh Union Finance Minister hlui P. Chidambaram chuan Centre-a BJP sorkarin Rs 2000 denomination currency note tihtawp a tum chu lawmawm a tih thu a sawi a.
Congress te chuan a hun lai pawhin Rs 2000 currency note kalpui chu an dodal nasa takzet tiin a sawi a. Opposition te ngaihdan pawh la duh miah lovin BJP sorkar chuan black money hmehmih nan tiin an kalpui lui a ni, a ti a.
FM minister hlui chuan sorkar berin black money te chu Rs 500 leh Rs 1000 note hmangin dah that nasat a ni, an ti a, kum 2016 atangin heng denomination te hi titawpin a aiah Rs 2000 currency note an tichhuak thung a. Chu chu tihsual a ni satliah mai lo va, hmanhmawh uchuaka chetlakna a ni a ti bawk.
Hun rei lo te hnuah Union government chuan mipui ten an pawm lo tih leh Rs 2000 currency note chu an hnawl tih an hriat hnuah Rs 500 currency note an tichhuak leh a ni. “Centre hian Rs 1000 currency note a tharin tichhuak leh se mak kan ti lovang” tiin a sawi a, FM hlui chuan sorkar thutlukna chuan mi panngai te hrilhhaiin a siam a ni, a ti bawk.
Khatih lai pawh khan Rs 500 circulation tihtawp chu tihsual a ni tiin Congress chuan an sawi reng tia sawiin Chidambaram chuan hmanhmawh mangkhenin Rs 2,000 note an tichhuak a, tunah an titawp leh a, ‘Tuglak darbar’ dik tak a ni a ti bawk.
Hetih lai hian State Bank of India chuan May 21 khan Rs 2,000 note te tum khatah Rs 20,000 hu zelin engmah hasratna awm lovin bank-ah thleng theih a ni a, requisition slip pawh ngai lo a ni a ti a. Chu mai bakah pawisa thleng turin identity proof pawh thleng dawnah ken leh lantir a ngai lo tiin a sawi bawk.
RBI chuan Rs 2,000 currency note te hi bank account-ah deposit emaw September 30 thlengin thleng theih a ni, a ti a.
Rs 2,000 denomination bank note chu legal tender a la ni reng ang tiin RBI chuan thuchhuah a siamah a tarlang bawk a.
May 23 atangin RBI chuan bank hrang hrangah Rs 2,000 banknote te chu tum khatah Rs 20,000 zel thleng theih a ni ang a ti bawk a. RBI chuan bank te chu Rs 2,000 note pechhuak tawh lo turin a ti thung.