Chin National Day vawi 75-na chu Thawhtanni zan khan Aizawlah hman a ni a, chief minister Zoramthanga’n a hmanpui.
Chief minister chuan ramchhung buai avanga Myanmar rama Chin unau chengten mahni sahimna zawnga an ram an tlansan a ngai chu pawi a tihpui thu a sawi a. An lo luh tirhah Covid19 hrilen nasat zual lai nen a innang chu vanduaithlak a tih thu sawiin, an tan Mizorama chengte chuan theihtawp an chhuah thu leh, Myanmar-a remna leh muanna a awm leh ngei an beisei pui thu a sawi.
“Harsatna te hi Pathian remruat vek a nih a, tunah chuan hrethiam rih lo mah ila, beiseina nen hmalam hun thlir phawt a tul chang a awm a ni,” Zoramthanga hian a ti a. Zohnahthlakte kan inpumkhatna leh inunauna chhawmnun zel pawimawh a tih thu a sawi a ni
China National Day lawmnaah hian Chin State chief minister hlui Salai Lian Luai leh Chin State MP hlui Dr Naih Tam Maung tem thu an sawi bawk a. Mizoram sawrkar leh mipuiin raltlante an lo tuamhlawma an lo puihna zawng zawngah Chin mipui aiawhin lawmthu an sawi a ni.
Lawngtlai khawpui chhung leh Lawngtlai district Saikah khuaa Myanmar atanga Chin raltlan camp-a awmte pawhin Central YLA Playground Lawngtlaiah Chin National Day vawi 75-na hi an hmang a. Lai Autonomous District Council executive member JB Vanhoy chuan a hmanpui.
Chin National Day hmang
Get real time updates directly on you device, subscribe now.
Next Post