China-ah kum 19 mi lek Alzheimer

China-a kum 19 leka upa chu Alzheimer disease a vei tih hriatchhuah niin he natna tihbaiawm tak veitu hriatchhuah zinga naupang ber niin South China Morning Post chuan a tarlang.
Beijing-a Xuanwu Hospital of Capital Medical University researcher te chuan kum hnih chhungin he pa hriatrengna chu a tlahniam chak hle an ti a. A thil leh bungrua a dahna leh awmna te pawh hrechhuak thei tawh lo khawpin a awm mek an ti bawk.
He damlo hian Alzheimer natnain a ken hriatrenga hloh leh hippocampalatrophy, he natna vei lanchuahna tir lam te chu a nei vek an ti a. A natna vei avang hian high school pawh kal chunzawm thei lovin ziak leh chhiar lamah pawh a hnufum hle tiin SCMP chuan a tarlang bawk.
Researcher te thil hmuhchhuah hi January 31, 2023 khan Journal of Alzheimer’s Disease ah tihchhuah niin peer-reviewed a ni a. “He zirchianna hian Alzheimer’s disease vei hma theihna ngaihven ni se a ti a. Tun atanga rei lo teah thalai zawkte Alzheimer’s disease vei te hriatchhuah vatna lama hmalakna pawimawh tur a ni,” tiin he paper author te chuan an tarlang a ni.
Researchers te chuan Alzheimer vei kum 30 hnuai lam tin te chuan pathological gene mutation an nei vek an ti bawk a. Alzheimer disease vei a hmaa an hmuhchhuah naupang ber chu kum 21 mi niin ani pawhin gene mutation a nei tel a ni.
Researchers te chuan he tleirawl te auditroy verbal learning test chu a pangngai lo hle an ti a, thil a hre rei thei lo va, hun kal tawh thil te pawh a ngaihtuah let zung zung thei lo bawk a, a hriatrengna chu nasa takin a buai tawh a ni, an ti bawk.
George Perry, the Editor-in-Chief of Journal of Alzheimer’s Disease chuan he thil thleng khat tak hriat chuah hian dementia nihna dik tak hriatfiahna lam ngaihven a tulna a pholang a ti zui bawk a.
“Dementia chu naupang te pawha vei theih a nihzia pholan a ni a. Kum 19 leka upa tena Alzheimer an vei a nih chuan middle-age atanga intanin puitling ruala a natnain a tlakbuak viau tawh theih a ni tih a lang a ni,” tiin George Perry, the Editor-in-Chief of Journal of Alzheimer’s Disease chuan a sawi.