China-in Arunachal Pradesh infiammite ‘stapled visa’ pe

China-in Arunachal Pradesh atanga Indian sportsperson an ram tlawh tur te ‘stapled visas’ a pek chu India chuan ‘pawm theih loh’ tiin a sawi a. India chu lungawi lo hlein chhanna na tawk siam a tum thu sawiin Beijing hian ‘Wushu’ martial arts athletes te hnenah normal visa a pe duh lo a ni.
Heng infiammite hi Chengdu a World University Games a tel tur team member 12 zinga tel an ni a. Arunachal Pradesh mi leh sa infiammi pathumte hnenah normal visa aia ‘stapled visas’ pek an ni tih hriatfiah a nih hnuah team te hi chelh khawtlaiin an awm phah a. China chet dan hian Arunachal Pradesh chu a ram anga a chhalna a nemnghet anga ngaih a ni.
He thil thlen hma lawk hian External Affairs Ministry chuan Prime Minister Narendra Modi leh Chinese President Xi Jinping te chuan November 2022 a Bali a inhmuhna an neihah ram pahnih inlaichinna siamthat a nih theih nan sawidunna an nei tia sawiin hei hi a hma chuan sorkar in a sawilang ngai lo thung.
“Kan khua leh tui te China a international sporting events neihnaah tel tur te hnenah stapled visas pek an ni a. Hei hi pawm theih loh a ni a, kan lungawilohna leh dinna chiang takin China hnenah kan hriattir a ni. India chuan a dikna dinpui turin thiamna a nei a ni” tiin Ministry thupuangtu Arindam Bagchi chuan a sawi a, Indian passport holder te chu an chenna emaw hnam a zirin a hranga en an ni tur ani lo tiina sawi bawk.
China hian kum 2011-213 inkar khan infiammi a rm tlawh turte hnenah Jammu Kahsmir leh Arunachal pradesh mi leh sa te hnenah regular samped emaw sticker visas aiah stapled visas pek thin a ti tawp a. Tun hma pawh a atih thin dan niin mahse India-in na taka a sawisel hnuah a chhunzawm zui lo reng a, tun hnaiah a tharthawh leh ta a ni.