China-in Indo thlawhna leh lawng tir chhuak

China chuan a indo lawng leh thlawhna rual fighter jets leh bombers te Taiwan lamah ni hnih kal ta chhung khan a tir chhuak tih he thliarkara defence ministry chuan july 12, Nilaini khan a sawi a, hei hi China lam chuan kum tina an neih thin military exercise hmaa run an tawh thut palha anmahni invenna atan a nih thu an sai ve thung. Chinese PLA te hian indo thlawhna 38 leh indo lawng 9 te Taiwan ram hnaih ah Thawhlehni zing dar 6 leh Nilaini zing dar 6 inkar khan a tir chhuak a. Nilaini zing atanga chhun thleng khan thlawhna dang 30 thlawh chhuah tir lehin heng zing ah hian J-10 leh J-16 fighters te an tel a ni.
Heng thlawhna te zinga 32 te hian Taiwan tuipui ramri thleng an thlawk a, hemi hnu Nilaini khan thlawhna dang 23 ten he ramri hi an thlawk thleng ve leh ani. Taiwan hian July thla tawp lam hian kum tina military exercise a lo neih thin Han Guang chu mahni invenhim nan a nei dawn a, tin, kum tina a lo neih thin khuarel chhiatna laka mipui te lo himna tur leh inthiar chhuah zung zung dan tur zirna Wan exercise chu a nei dawn bawk a ni.
China hian mahni a ro in rel hrang Taiwan chu a ram bung khat ah ngaiin Taiwan political inrelbawl dan chu a helh hle a, Taiwan hnena indo thlawhna thawn luh phei chu a helh takzet a ni. Heng avang hian China chuan indo Lawng leh Thlawhna te, drones thlengin helai ram vil tur hian a tir chhuak reng a ni.