NATO member-ah Ukraine lalut dawn?

On Jul 13, 2023 9 0

NATO member-ah Ukraine lalut dawn?
Lithuania khawpui Vilnius-a neih mek NATO summit thuchuah intawm chuan Ukraine President Volodymyr Zelensky chu a ti lawm lo hle. Zelensky chuan Ukraine chu NATO member a nihna tur hun leh ni te chiang taka bituk a beisei a, mahse he a beisei na hi summit ah hian tih chian a awm ta rihlo a ni. “Russia nena inremin Ukraine hi NATO member nih theihna kawngka a inhawng tha hle a. Mahse thil chianglo chu a chaklo” tiin Zelensky chuan NATO member ni tura hun bithliah fel tak a awmloh avanga a ngaihdan a sawi. Zelensky chuan NATO summit na hmun Vilnius a tel chhan te sawiin Ukraine sipai zawng zawng te, nu leh naupang zawng zawng te hian NATO member nih an duh thu te a sawi a ni.
US President Joe Biden’an NATO member atana Ukraine a duh thu a lo sawi a taka thleng leh ta mai silo hian Zelensky chu a ti lawmlo hle a. Australian Broadcasting Corporation (ABC) report dan chuan US President Joe Biden chuan NATO Secretary General Jens Stoltenberg hnen ah Ukraine chu NATO member ni tura rawt a nihna chu member ten an rem tih tlan thu a hrilh mai choh a ni, tiin a sawi a. Hei hi thu chhuah intawm, ‘Rawt a ni’ tih pawm tlanna mai choh a nih thu Biden chuan Stoltenberg a hrilhna a ni. Thuchhuah chuan, “NATO chuan tihtur tul leh zawm ngai te a tih zawh hnu in Ukraine chu NATO member a ni thuai ang” tiin Zelensky harsatna tih nep nan a sawi a, summit thuchhuah intawm chuan Ukraine chu NATO member a nih theihna chu hma lam hunah a awm, tiin a sawi a ni.
NATO a Turkey pawimawhna
NATO member a Sweden ram lakluh a nih theih nan Turkey hi a pawimawh em em a, heng ram pahnih President ve ve te pawh darkar engemaw zat an inkawm tawh a ni. NATO Secretary General Jens Stoltenberg chuan, “Sweden ram hi NATO member a nih theih nan Turkey President Erdogan hmalakna a lawmawm em em a, a rang lama an ram national assembly koh a tum te leh Sweden a lo luh theih nana assembly te nen an thawhho na hi a lawmawm takzet a ni” tiin a sawi. Erdogan hian NATO member a Sweden a luh theih nan kum khat aia tam h,a a lo la tawh a, chu chu Vilnius ah hian a rawn lang chhuak ta a ni. Turkey chuan NATO member 30 atanga 31 nih chhoh hi a duh hle a, hemi atan hian Sweden chu a thawhpui tha em em a ni.