China in Ladakh a Buffer zone ah puan In pali kaih

Chinese People’s Liberation Army (PLA) te chuan ni hnih kal ta khan Ladakh chhak lam Chushul hmun a ‘Buffer Zone’ ah (Buffer Zone hi ram pahnih te ram inrina laia rawm awl tu ve ve tan pawh neitu nihna inchhal lohna sawina a ni) Puan In pali zar a nih thu Chushul councillor Konchok Stanzin chuan a sawi. Councillor Stanzin chuan thingtlang khua a chengte hnen atanga report hi dawng a nih thu leh puan in pathum te chu Indian Army ten rem an tihloh avanga thiah a nih nghal thu a sawi a, puan in palina chu thiah leh tum mek a nih thu a sawi bawk. Hetihlai erawh chuan The Hindu chanchinbu zawhna chu Army te hian an chhanglo thung. He thil thleng hi Ladakh chhak lam Gurung tlang chhip zawla thleng ni a thu dawn a ni.
June 15, 2020-a Galwan a thil thleng Indian Army 20 ten PLA kut tuara nunna an chan hnu ah khan ram pahnih sipai te hian vawi tamtak inbiakna an nei tawh thin a, he an inbiakna ang chuan Buffer Zone-a hmun panga – Galwan, Pangong Tso hmar lam leh chim lam, PP-17 leh PP-15 ah te ram pahnih ten ralthuam leh bungrua te hnuhkir ve ve remtih a lo ni tawh a. Councellor Stanzin chuan heng puan in ah te hian Chinese PLA ten meeting te an nei thin a ni tih Indian Army leh a bul hnai thingtlang khaw mi ten an hria a ni, tiin a sawi.