China in UN member ni turin Palestina a thlawp

China foreign minister Wang Yi chuan UN general assembly ah China chuan UN member ni turin Palestina chu a thlawp tlat thu a sawi chhuak a, an nih ngei theih nan theihtawp an chhuah zel dawn thu a sawi.
Wang chuan, Palestina ram chu China chuan a thlawp tlat dawn a, UN member ni tur hian an tling tawk a ni, tiin. Palestinian mipuite duhthusam chu tihhlawhtlinpui ngei chi nia sawiin, China ram duh dan thlawp ve turin UN member ramte a sawm bawk.
Wang hian Israel leh Palestina ram buai dan zawng zawng pawh an hriat thu sawiin, harsatna hi chinfel theih loh a awm lo a ti a, tan bik kan neih thin vanga zualkai mai a ni, tia sawiin. Israel leh Palestina ramah duhsak bik kan nei lo a, inngeih taka an inchibai theih hi kan duh ber a ni, a ti.
Ram hrang hranga buaina thleng zawng zawng pawh chinfel tuma tan la sauh sauh turin UN member ramte a sawm a, tanbik nei lo a, inangkhat tlang taka en turin a sawm hlawm. Palestina ram pawh hi an buai nasa hle a, mahse dikna leh dan tha tak an nei a, UN member rama kan seng luh ve phawt hi a ngai, tiin a sawi bawk.