China-Paksitan in\hian thuk tial tial

India-in China-Pakistan Economic Corridor (CPEC) a sawisel tuk lawkah Pakistan leh China Foreign Minister te chuan multi-billion dollar project an kalpui mekah nasa zawka thawhho zel an tum thu an sawi.
Pakistan-China Strategic Dialogue neih chu Foreign Minister Bilawal Bhutto Zardari leh Chinese foreign minister Qin Qang te chuan an telpui a.
“Pakistan leh China-te chuan China Pakistan Economic Corridor (CPEC) project chu tha zawka kalpui zui zel an tum,” tiin Pakistan sorkar radio chuan a puang a.
A hma lawk niah Goa-a SCO Foreign Ministers’ meeting neihnaah India External Affairs Ministr S. Jaishankar chuan, “China-Pakistan Economic Corridor i sawi fo-ah hian chiang takin SCO meeting-ah pawh tum hnih lai chu connectivity hi a tha e, mahse, connectivity chuan sovereignty leh territorial integrity te a bawhchhe tur a ni lo kan ti tawh,” tiin a sawi a.
A hnu lawkah erawh Bilawal chuan joint press conference an neihah CPEC kum sawm kalpui a ni tawh thu lawmawm an tih thu sawiin CPEC chuan nasa takin Pakistan-ah economic development siamin, hna tautet leh nun a tihmasawn an ti a ni.
CPEC Corridor hi $60 billion senna niin China sum hmangin Pakistan-occupied Kashmir (PoK) paltlanga kawng laih a ni a.
India chuan CPEC hi sawisel leh duh lovin he mi hmang hian China chuan Pakistan a Balochistan province a Gwadar port hmangin Arabian Sea a pawh thei an ti a ni.
“He CPEC Corridor hi khawvel puma investor te tan hlawkna vek a ni,” tiin Bilawal chuan a sawi a, Pakistan chuan a hlawhtlin zel theih nan theihtawp a chhuah dawn a ti bawk a.
“CPEC hi Belt and Road Cooperation example tha tak niin hei hian socio-economic development, hna siam leh nun tihchangkanna lamah nasa takin hlawkna a thlen a ni,” tiin Pakistan chuan a sawi.
Bilawal chuan Pakistan chu China inphalnaah a lawmthu sawiin a hun taka a puihna avangin global economy rualin an pen chhet chhet thu a sawi bawk a.
“China-in kan dinna thil hrang hrangah te Jammu and Kashmir inchuhnaah te pawha min thlawp tlat hi kan lawm a ni,” tiin Bilawal chuan a sawi bawk.
Bilawal chuan Pakistan chuan China chu issue pawimawh a neih tin China policy, Taiwan, Tibet, Xinjinag, Hong Kong leh South China Sea ah te pawh a thlawp vek tiin a sawi bawk a.
“Ram pahnih thhawhhona thil hrang hrangah te ngaihdan tlang takin kan inhrilh a. Ram pahnih thatna zel tura thuk leh tha zawka thawhho zel kan tum,” tiin a sawi bawk.