China ‘red lines‘ pel lo turin Wang Yi an vau
Chinese Foreign Minister Wang Yi chuan US Secretary of State Antony Blinken chu Beijing a inhmuhna an neihah China ‘red lines’ pen lut lo turin a ti.
Wang chuan an inhmuhnaah zawhna warning lam hawi mah pe in “China leh United States hian kawng dik zawha hma lam pana ngelnghehna an kalpui dawn nge a chhuanchhe lamin an kal dawn” tiin a sawi.
China-US inlaichinna chu tun hnaiah tlemin a ngelnghet tan nia ngaih a ni a, mahse, negative factors a la tam a ni, tiin a sawi bawk a.
Ram pahnih te hian thawhhona emaw inepna emaw ‘buainaa inhnuhluh emaw’ an kalpui thei tiin Wang chuan a sawi bawk a.
China red lines tia a sawi chu a sovereignty, security leh development te niin US chu chung thilah chuan penlut lo turin a ngen a ni.
“US-China inlaichinnaah neagtive factors a la nasaa a insiam mek reng bawk a, inlaichinna chuan tihbuaina nasa tak a tawk mek a ni” tiin Wang chuan a sawi a.
“China development rights te awm ang lo taka rahbehin a awm a, kan core interest ten harsatna nasa tak an tawk mek a ni,” tiin a sawi bawk.
Mahse Wang chuan eng harsatna nge an tawh te chu a sawi lang chuang lo va. Superpower ram pahnih te chuan thu inchuh lian deuh deuh an nei thung a, chung zingah chuan South China Sea chungchang te, US-in Taiwan sorkar a thlawp tlatna leh human rights te pawh a tel.
Blinken hian kum khat pawh tling lovah China tum hnih a tlawhna a ni tawh a. Beijing leh Washington te chuan diplomacy tha tak nen hma lam pan zel an tum tiin a sawi thung.
Ram pahnih tena ngaihdan inang lo an neihah thil ngaih hai theih awma inven nan tlang hrakin engkim a sawi dawn tiin a sawi bawk.
Tun hnai lawkah Washington chuan aid package a pawmfelah Taiwan hnena military assistance pekna tur pawh a tel a, chu chu Beijing chuan a helh hle a, ‘on-China principle nasa taka bawhchhiatna’ a ti zui nghal a ni.
China chuan Taiwan hi a province-in inla hrang meka a ngaih niin engtik hunah emaw chuan Beijing thuhnuaia la awm turah a ngai tlat a, mahse, Taiwan chuan mahni inrelbawl ram angah a inchhal thung.
Heng bakah hian Americans te chuan Beijing chu Ukraine indona kal mekah Moscow-in ralthuam a siam theih nan Russia hnena hmanrua peah puhin a pe lui zel a nih chuan hrekah a vau bawk.