Chini ei hnem lung tan \ha lo

Chini ei hnem lung tan tha lo
Chini ei hnem lutuk hi lung tan a tha lo thei niin American mithiam ten an sawi.
Thil thlum kan ei leh in thina chini awm ang chi hi sucrose an ti a, hei hian type 2 diabetes a thlen thei a, lung hnathawh a tibuai bawk niin Sanford-Burnham Medical Research Institute leh Mount Sinai School of Medicine, La Jolla, California-a scientist ten an sawi.
Fruit flies an ti a, mihring hriselna leh natna hrang hrang zirchian nana an model hman a ni. Chutiang fruit flies chi sucrose tama diet an pe a, type 2 diabetes neiin, symptom thenkhat BP sang leh insulin mumal lo te a siam thei niin PLoS Genetics chuan a tarlang.
Zirchianna neitu te chuan diabetes vanga lung hnathawh mumal, cardiac arrhythmia leh fibrosis te pawh a awm thei niin an sawi.
He zirchiannaa an hotu Ross Cagan chuan, “Kan ei leh in vanga lung (heart) kan tihchhiat hi tunlaia kan hriselna kan khawih pawi nasat berna pakhat a ni. Thil thlum kan ei nasat hian kan taksa a tichhe nasa thei hle tih kan hriat thar a tul a ni,” a ti.