Chite lui humhalhnaa hmalakna chin sawipui

hite lui humhalh tura hmalakna chungchang chiang zawka hre turin chief minister Lalduhoma chuan Thawhtanni khan a pisa-ah Save Chite Lui Executive Committee aiawhte a kawm a, hma an lak tawhna a ngaithla a, hmachhawp bawhzui dan tur a sawipui.
Save Chite Lui Executive Committee hruaitute sawi danin, Chite lui tana beihna (Save Chite Lui Movement) chu kum 2007-ah bul tan a ni a, kum 2017 atanga awmze nei lehzuala kalpui chhoh a ni. Comprehensive Action Plan angin hmalakna kalpui a ni a, Action Plan Phase I chu zawh a ni. Phase I chhunga hmalakna hlawm lian zingah – baseline survey neih a ni a, nasa taka mipui hrilhhriat niin, dan hmanga lui humhalhte hlawhtling taka hlen chhuah a ni.
Chite lui hi Indian Army-in ‘adopted river atana an thlan, Prime minister radio programme – Mann ki Baat (MKB) a tarlan tawh, MKB-a tarlan a nih avang hian sawrkar laipui atangin duhsakna leh chhawmdawlna tam tak a awm thei tih sawi a ni a. Save Chite Lui movement avanga Mizo mipui thinlungah kan rama luite humhalh duhna kawnga harhtharna lo piang zel leh note engemawzat a hring zel chu chanchin lawmawm a ni tih sawi a ni bawk.
Action Plan Phase II angin riverfront development atan sawrkar laipui atanga sum hmuh dan tur sawi a ni a. Bawngkawn rama Chite lui hnar atanga Bethlehem Vengthlang huamchhung World Bank Road-a PWD lei thleng, lui kam tuak riral zel tur venna atan lung rem dan turte sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More