Chris Brown ‘No Guidance’ diamond-certified

Chris Brown hla ‘No Guidance’ featuring Drake chu Recording Industry Association of America (RIAA)-in diamond-certified a nih thu an puang a, Brown hlaah chuan RIAA diamond-certtification dawng thei hmasa ber a ni. RIAA diamond-certification thei te chu US-ah hma mal (singles) emaw album emaw maktaduai 10 hralh tlin theih tihna a ni.
‘No Guidance’ hi 2019-a a tlangzarh kha niin, Brown hlaa hetiang certification kai thei hmasa ber a ni bawk a, Brown pawhin nuam a ti ve bawk a ni ang, Instagram-ah “Diamond. Cook chapo chuang loh tur,” a ti.
Drake tan erawh diamond-certified hla pariat a neihna niin a hla dang “God’s Plan,” “One Dance” (Wizkid & Kyla a thawhpuina), “Hotline Bling,” “Work” (Rihanna a thawhpuina), “Life is Good” (Future a thawhpuina), “Sicko Mode” (Travis Scott nena an thawh dunna), leh “Love Me” (Lil Wayne leh Future) a thawhpuina te chuan diamond certification an lo dawng tawh a, tihian Drake hi diamond-certified hla ngah lamah pahnihna niin, amah aia pakhata ngah Post Malone chiah a pha lo.
‘No Guidance’ hi 2019-a a album ‘Indigo’ atanga a single palina niin, a vanglaiin Billboard Hot 100 chart-ah No.5 a kai a, R&B/Hip-Hop Airplay-ah kar 27 chhung a No.1 a, Adult R&B-ah kar 11 No.1 niin, Rhythmic Airplay chart-ah kar li a No.1 thei bawk.