City in final an lut

City in final an lut
April 22, Inrinni zan khan FA Cup semi-final khelh a ni a. Premier League champion Man-chester City chuan Wembley-a an khingpui
Sheffield United chu 3-0 in an hneh a, final an lut. City hian Manchester City leh Brighton te inkhela chak zawk zawk an hmachhawn zui leh ang.
Khelmual ropui We-mbley Stadium-ah championship club Sheffield United in bul an tan tha a, goal thun theihna hun tha an nei hmasa zawk. Inkhel tan tirhteah box chhung hnai tak atanga Iliman Ndiaye pet chu si nghak Stefan Ortega chuan tha takin a dansak a, City a chhan him. Hma taka an hun tha an hlah hnu hian an khingpui City an khan lo tulh tulh a, chawlhlawk hmain goal an chhuah zui ta reng bawk. Erling Haa-land pet goal pawm a nih loh bakah City in hlauhawm an siam zauh hnuin midfieder Bernar-do Silva chuan penalty a hlawh-chhuak. Silva penalty hlawhchhuah hi Riyad Mahrez chuan minute 43-naah a pet goal a, hmahruaina goal a thun. Mahrez goal thun hnu hian chawlhlawk hmain goal dang a luh belh thei lo.
Chawlhlawk hnu-lamah City an khel tha leh zual a, goal hnih an thun belh. Goal hmahruai thuntu Mahrez chuan Sheffield defender tihsual
vangin hun tha a nei a, thui tak a khalh hnuah mawi takin a khalh tlang a, minute 61-naah an goal hnihna a thun. Goal hnih an thun hnuin City hian goal dang an thun belh leh thuai. Minute 66-naah Jack Grealish siamsak tha tak chu Mahrez chuan chiang zeta pet goal in, an goal thumna a thun a, hattrick a siam ta chiah bawk. Mahrez hi kum 1958 hnu lamah City tan FA Cup semi-final-ah hattrick siam leh thei hmasa ber a ni ta hial bawk.
Si thum fai ngawta hnufual tawh Sheffield United in inlehthalna lian thlen nawn tir leh a, final luh an beiseina chu a tawp fel a. Premier League champion City lakah an beiseina chawk nung turin goal khat pawh an thun thei lova, FA Cup atangin an puanthuah an tel ve ta nge nge a ni. City pawhin ball chang tam zui viau mah se goal dang an thun belh thei tawh bik lova, si thum faia hnehna changin final an lut ta a ni.
Pep Guardiola en-kawl Manchester City hi trophy lian pathum chawi kawp thei dinhmunah an ding mek. EPL-ah Arsenal lehpelin champion theihna hun tha tak an nei mek a. FA Cup final an luh tawh bakah Champions League semi-final an lut tawh bawk a. Tre-ble champion an ni thei a nih chuan an player pawi-mawh Erling Haaland tan chawimawina sang dawn a beiseiawm hle dawn. City hian EPL-ah fiahna hautak an hma-chhawn zui leh nghal dawn a. Chan chunga awm mek Arsenal nen nilai zanah an inkhel dawn a. Etihad Stadium-ah Arsenal nen an inkhel tur hi City manager Pep Guardiola chuan EPL final ti hialin a sawi a. Hei hian inkhel pawimawh bik a nihzia a tilang chiang viau awm e!