Congress leader Rahul Gandhi chu defamation case a neiha thiamloh chantir a nih hnua rang taka Parliament atanga nawrchhuaha ban a nih hnuah India ram hmun hrang hranga teachers, artists, engineers, advocates, scientists, professors, doctors, house wives, journalists, researchers, businessmen, retired civil servants, students, writers, film makers, cultural workers leh civil society member 1,000 te chuan Opposition te chu democracy humhim tura chet la turin an ngen.
Thuchhuah intawm ‘Defend Parliamentary Democracy’ tih an siamah mi langsar tak tak 1,000 chuangin hming ziah hnanin democracy kalpui mek danah zawhna an neih thu an sawi a.
“Rahul Gandhi hi chhum lo chat lova sorkar Parliament chhung leh pawna a beih avanga tum bik a ni tih a chiang a. Thil thleng mek hi Opposition te beihna mai bakah democracy pillar pahnih – Judiciary leh Parliament tih chak loh tuma beihna a ni. Rahul Gandhi laka chetlakna hi Opposition te hmehmih tumna leh democratic kalphung tihchhiat tumna anga thlir a ni a. A tlai lutuk hmain Opposition te chu Parliamentary democracy humhim tura chet la tura ngen turin mipuite kan ngen a ni,” tiin thuchhuah chuan a tarlang.
Hming ziah hnantu zingah hian Finance Minister hlui Yashwant Sinha; Federation of Catholic Associations of Archdiocese of Delhi; professor Apoorvanand; scientist and poet Gauhar Raza; social activists, Irfan Engineer leh Shabnam Hashmi; journalist and activist Javed Anand; artist Mallika Sarabhai; actor Naseeruddin Shah; social activist Nikhil Dey; journalist Niranjan Takle; Ram Puniyani, National Solidarity Forum; journalist Revati Laul; Roop Rekha Verma from Lucknow; Tushar Gandhi, Mahatma Gandhi Foundation; filmmaker Anand Patwardhan; human rights and peace activist Cedric Prakash leh advocate Flavia Agnes te pawh an tel a ni.
Civil society member ten hlauhthawn nei
Get real time updates directly on you device, subscribe now.
Next Post