Class kal mumal lo rei tawh LungleiPolytechnic tan dawn

Class kal mumal lo rei tawh Lunglei
Polytechnic tan dawn
Ram luah man pek loh thubuai avanga kumin June 28-a court thupek anga building leh office kalh sak Mizoram Polytechnic Lunglei chuan vawiin – July 18 atang hian zirna kalpui tan a tum.
Thudawn danin Polytechnic Lunglei principal chuan zirlaiten zirna an chhunzawm theihnan theih ang angin an inbuatsaih a. Naupangte thutna tur leh dawhkan tur zirna in pakhat, tuna function tawh lo hnen atangin an hawh tih a sawi. Class room atan tunhmaa boys hostel hlui dining hall thin bakah girls hostel hlui, auditorium leh quarters ruak an hman dawn bakah staff room leh office atan auditorium hnuai an hmang dawn tih a sawi a ni.
Class room pangngai leh office kalh sak an nih avangin office hna tak tak thawh theih a ni dawn loa, zirlaite tan practical pawh a tih theih dawn loh tih a sawi a ni.
Polytechnic Lunglei hi ram luah man chungchangah thubuai neiin court thu in kalh a ni a, ram neitu lamin ram luah man pek tur zat an phut chu kumin July 16 khan sawrkarin pek a tum naa, July 21-a pek turin a sawn leh a ni.