Covid hrilen vang laia contract hmanga thawh, chief minister biala kawngpui siam chu kum tam a vei hma in a chhe leh tawh niin ZPM Thalai chuan an sawi.
ZPM Thalai Hqrs thuchhuak chuan, Aizawl East-I bial Sihphir Venghlun huamchhunga kawngpui siam a hmunah an tlawh a, an endik kawng thenkhat hi hrilen lai, ei leh in tur nei loa mi nawlpui mangang taka an awm laia MNF sawrkarin induhsakna uchuak tak hmanga contract hmanga thawh a ni, tiin, kum tam a vei hma leh an term takngial pawh a tawp hmaa an kawngpui siam a khawk leh vek hman leh, an iron rod phumte a lang leh fur fur tawh tih a sawi.
Nausel Road leh Vasih Road an tlawhnaah, kawng siamna tur cement chu cement chawhna khawl hmang loin excavator (JCB) hmanga chawh a ni, tiin, ‘Lei lai khuarin chutah chuan JCB-in cement a hai a, lei laih khuar hi cement hmanga zut mam pawh a ni loa, an cement chawhah hian lei a kai tel teuh ang tih rin thiam theih a ni. Hetianga JCB hmanga cement chawh hi thil nih dan tur niin a lang loa, hetiang hi MNF sawrkar hnuaiah kawng hmanga sum siamna dik takah kan ngai a ni,’ ZPM Thalai chuan an ti.
CM bialah meuh hna belhchian dawl lo hmuh tur a awm chu pawi a tih thu ZPM Thalai hian sawiin, ‘Mipuiin an chan tur dik tak an chan a, hmasawnna hna rotling thawhna kawngah dik taka hnathawh a nih a, sum leh paite mipui hlawkna tura hman a nih theihna’n hma kan la zel dawn,’ thuchhuah chuan a ti.
CM biala kawng siam a chhia – ZPM Thalai
Get real time updates directly on you device, subscribe now.
Prev Post
Next Post