CM hnenah kuhva chin khapna order copy dil

Sawrkar laipuiin kuhva chin a rem tih tawh loh thu a sawi chungchangah chief minister Lalduhoma chu he khapna order copy hi Congress Thalai chuan an dil.
Thawhtanni khan Congress Thalai hruaitute hian chief minister hnenah, August 21-a Assembly thutkhawmah sawrkar laipuiin kuhva chin belh a phal tawh lo nia a sawi chu, sawrkar laipuiin kuhva chin belh a phal lohna order copy dilna lehkha an thehlut.
‘Chief minister thusawi hian kuthnathawktute rilru na takin a hliam a. Sawrkar laipuiin a khapna dan copy hi 2024 August 27 hian Chief Minister Office-a hman tura lo in peih turin Congress Thalai chuan CMO kan ngen a. Buaina siam tum kan ni loa, kuhva chin belh khapna lehkha lam mai turin kan kal leh dawn a ni,’ an ti.