CM-in a tlawh

Chief minister Lalduhoma leh a nupui Liansailovi te chuan Mizoram chief minister hmasa ber Ch. Chhunga nupui Rothangi chu a chenna in, Saron Vengah Thawhlehni khan a tlawh.
Chief minster hian duhsakna chibai bukin pangpar a hlan a. Rothangi pawhin sawrkar tluang taka a kaihhruai theih nan duhsakna hlanin a lawmpui tih a lo hrilh. Bangla-a an luh hunah la tlawh ngei a tum thu a sawi a ni.
Ch. Chhunga hi UT sawrkar kum 1972-a chief minister a nih khan Lalduhoma hi a private secretary ni turin a ruat a, tun thlengin inpawh takin an awm zui zel a ni. Rothangi hi tunah kum 99 a ni mek a, a taksa hriselna a la tha viau niin a insawi. Ch. Chhunga nen hian kum 1948 ah an innei a, fa 11 neiin tunah an fate 8 an la dam a ni. Tu 41 leh tuchhuan 58 a nei mek.