Chief minister Lalduhoma chuan Thawhlehni khan ruah leh thlipui thawk avanga Melthuma chhiatna thlenna hmun leh Kanan Veng thlanmual min a tlawh.
Thawhlehni zing khan chief minister hian Aizawl DC Conference Hall-a bun Aizawl District Emergency Operation Centre a tlawh a. Heta lo awm sa Disaster Management & Rehabilitation minister K Sapdanga, chief secretary Dr Renu Sharma, Aizawl bawrhsap Nazuk Kumar leh official dangte nen hmalak dan tur an sawiho. District hrang hrang bawrhsap-te biain chhiatna an tawh dan an zawt a ni.
Hemi hnu hian chief minister chuan DM&R minister nen hian Melthum an pan a. leiminin an chenna a hnawl avanga thi, ruang lakchhuah tawhte chu puanin an tuam a, ruang lakchhuah tawh zinga Mizoram mi ho hnenah sawrkar ralna hmahruai an hlan a, chhiat tawk chhungte aiawhin Melthum Local Council chairman-in a lo dawnsak a ni.
Chief minister hian Melthum YMA hruaitute hnenah an mamawha hman atan Rs. 50000 a hlan bawk.
Home minister, Aizawl South-III bialtu MLA Baryl Vanneihsangi, minister leh MLA awm ang angte leh Central YMA hruaitute nena hmalak zel dan tur an sawiho a. Chief minister chuan thihna tuarte a tawrhpui thu leh chhiatna tuartu zawng zawngte a lainat thu sawiin, chhanchhuaktute hnathawh fakawm a tih thu a sawi a ni.
Melthuma chhiatna hmun a tlawh hnu in chief minister hian Kanan Veng thlanmual lam a pan a. Thlanmuan min senghawia hnatlangte mamawh atan Rs. 50000 a hlan.
CM-in chhiatna hmun a tlawh
Get real time updates directly on you device, subscribe now.
Prev Post