CM-in Godrej hotu hmu

Mumbai-a kal chief minister Lalduhoma chuan Godrej Group president Rakesh Swami chu Inrinni khan Mumbai-ah a kawm a. Mizorama Godrej Agrovet hmalak theihna a sawipui.
Tuna Kolasib district Bukvanneia Godrej oilpalm mill tih changtlun belh chungchang, Mizorama Godrej Samadhan Center kalpui ve tura ngenna, oil palm plantation neituten thlai dang – sawhthing, aieng, hmarcha leh a remchang dang nena chin pawlha hlawk zawka hna an thawh theih dan turte an sawidun a ni.
Godrej hotu chuan Mizoramah sapthei processing, sangha chaw siam, fertilizer, ar vulh lam leh frozen food, sahbon leh glycerin thlenga a siamna an bun theih a beisei tih Lalduhima hi a hrilh a. Hma an lak theihna en turin a Group hnuaia business hrang hrang hruaitute nen kumin August-ah Mizorama rawn zin an tum tih a sawi
Chief minister hian Mumbai a cham chhungin industrialist leh politician pawimawhte a remchan dan angin a hmu a. OSD to CM Jonathan Lalremruata’n a tawiawm a ni.