CM-in US puihna ngen

United States of America-a zin chief minister Lalduhoma chuan Indo-Pacific US Trade & Development Agency (USTDA) regional director Verinda Fike chu Thawhlehni khan a kawm a. Mizoram tana hmasawnna hna thawk tura sawmin rawtna a thlen.
Chief minister hian Mizoram tan project liantham engemawzat a sawipui a. USTDA hian a sector changtu bik department-te a enfiah tir ang. Bawhzui zel tlaka an ngaih chu a thlawnin master plan leh project readiness plan an siamsak thei tih Verinda Fike hian a lo hrilh a, USTDA aiawha India ram enkawltu bik pawh be nghalin, hma lo lakpui turin a hrilh.
USTDA hi US sawrkar ta niin, khawvel hmun hrang hrangah development hna an thawk thin a. Infrastructure and services, clean energy and power, transportation, information and communications technology leh healthcare sector-ah a thawk nasa hle. An hnathawhna fund hi loan anga kalpui loin grant in aid angin a kalpui a, sum a tumsak bakah a thawktu tur thlengin a ngaihtuahsak a ni.