Chief minister Pu Zoramthanga’n ZPM party chu pachhe hle nia a sawi chu a hre dik hle tih ZPM working president K Sapdanga chuan a sawi.
-- Advertisement --
Thawhtannia an party office-a inkhawmah ZPM working president hian tunhnaiah chief minister-in ZPM pachhiat zia uar deuhin a sawi a, ZPM candidate tur chu sum pai tur an neih dawn loh avangin candidate tur pawh an hmu mang lo niawma a hriat thu sawi thawm an lo hria tih sawiin, “Khatiang khawpa infakna kha kan la dawng lo niin ka hria a. Min hre dik chiah, sumin candidate kan zawng lo. Kan unit leh block ten an sawi uar em em chu, kan biala candidate chu kan theihtawpin kan pui ang,’ tih a ni. Kan khingpui party-te nen kan zei a inang lo em em a ni,” a ti.
An party hotuten an sawi angin a thawkrim ber an ni anga, sum hmachhuan loin, sum seng tlem ber nih an tum dawn tih K Sapdanga hian a sawi. “Kan khawngaihthlak zia hi mipui hmuhah kan tarlang duh. Kan neih bak sen pawh a ngai lo. Mizoram leh state thenawmah te pawh hausa pawl a lar em em, keini state-ah ngei pawh party thenkhat-ten an candidate-te sum tam tak paitir an tum a, keini chu ipte ruakin kan campaign ang,” a ti.