CM ruahmanna a lawmawm
– ZPM Thalai
Chief minister Lalduhoma’n dept-te hmalakna a thlirletpui thin chu thil thar, hmasawnna tha a ni tiin lawmawm an tih thu ZPM Thalai chuan an sawi.
ZPM Thalai Hqrs. thuchhuak chuan, chief minister Pu Lalduhoma’n a lo sawi fo tawh anga Mizoram sawrkar hnuaia department hrang hrangte hmalak dan enpui – Departmental Review Meeting nei tanin, minister leh official-te an hnathawh hrang hrang a sawiho pui chu lawmawm a tih thu a sawi a. ‘Mahni thutiama a taka ding chief minister kan nei hi ram mipui tan a thlamuanthlak a ni,’ a ti.
ZPM sawrkar hnuaiah thil thar tam tak hmuh tur a awm chho zel tih sawiin, Project Monitoring Committee dinin, project thawh mek 40 vel an endik tawh a. Department tinah Service Review Committee din tura hma lak mek a ni bawk, tiin, ‘Sawrkar hnathawk chhawr tlak si loh an awm chuan dan ang taka chhuah tir a, sawrkar hnathawk quality tha lakluh thin an ni ang. Kalphung thar mipui sawrkar hnuaia Pu Lalduhoma hmalakna hi lawmawm kan tiin mipui sawrkarna hnuaiah Zoram hian rahbi thar a kai mek a ni,’ a ti.
Review meeting hi CM office atanga minute thin niin, Departmental Review Meeting neih chu Mizoram sawrkar hnuaia department tinte an dinhmun dik tak leh an hnathawh dan hriatchianna a ni tih ZPM Thalai hian an sawi bawk.
CM ruahmanna a lawmawm – ZPM Thalai
Get real time updates directly on you device, subscribe now.
Prev Post
Next Post