Congress-in LMC candidate puang

Lunglei Municipal Council (LMC) inthlan tura ward awm zawng zawng 11-a Congress party candidate tur chu Nilaini khan an party president Lalsawta’n Lungleiah a puang.
MPCC president chuan an party candidate-te chu he ramin a ko a ni tih an pawm avanga candidate pawm an ni tih a sawi a. Thuneihna insemzai chu Congress party chuan tha a tih thu sawiin, “Helaia tih theih reng Aizawla kal fo a ngai hi thuneihna semzai loh vang a ni,” a ti.
Lunglei by pass road siamna tur Congress sawrkarin a dah tawh, hmundanga sum pawhpen a ni chu lungchhiat thlak a tih thu leh, Lunglei tan tui hnianghnar zawk ngaihtuah a ngaih thu te a sawi a ni.
Lungleiin harsatna hrang hrang a neihte chingfel turin Congress candidate-te vote theuh turin Lunglei mipui a sawm tih Lalsawta hian a sawi a. “Hei hi in tu leh fate tan a ni,” a ti.
MPCC vice president Lal Thanzara chuan sum pawh awm mang loin Lungleiin barhluih Municipal Council a nei dawn tih a sawi a. Chief minister-in campaign paha Lunglei panna kawng siamtha tura PWD hotute phone hmanga a hrilh phei chu thil dangdai tak a ni tih a sawi bawk.

Indian National Congress candidate

Ward No. Veng awmte Candidate

Ward 1 Pukpui, Zotlang V Lalhlimzauva
Ward 2 Serkawn, Zohnuai Lalramzauvi Chawngthu
Ward 3 Bazar Veng, College Veng K Lalsangpuia
Ward 4 Venglai, Venghlun Joseph R Lalremngheta
Ward 5 Rahsiveng, Sazaikawn Lalenkawli Pautu
Hauruang
Ward 6 Electric Veng C Lalnunsanga
Ward 7 Chanmari PC Thanzama
Ward 8 Farm Veng, Ramthar Elizabeth Vaninmawii
Ward 9 Lunglawn, Salem CZ Lalhmingmuana
Ward 10 Theiriat, Luangmual Lalthanzauvi
Sethlun, Hrangchalkawn
Ward 11 Zobawk, Lungpuizawl H Lalnunmawia