Congress leader Jairam Ramesh-a’n Modani MegaScam kan chhui chiang ang ti

Congress general secretary Jairam Ramesh chaun Modani MegaScam lailan zelah INDIA colation inthlan boruak a vawrhsan phah tiin a sawi.
Organised Crime and Corruption Reporting Project (OCCRP) tena investigation an neih The Financial Times in a chhuahah low-quality, high-ash coal chu Adani chuan kum 2014 khan Indonesia atangin man tlawm taka leiin a man let thuma sangin public sector Tamil Nadu Generation and Distribution Corporation (TANGEDCO) hnenah high-quality, low-ash quality in a hralh a ni, tiin Congress leader chuan a sawi.
“He thil hi kan ngawibopui dawn lo va, hun reilote hnuah JPC [Joint Parliamentary Committee] kan chhuichian tir ang” tiin Ramesh chuan a sawi a.
“Adani chuan he thil atang hian hlawkna Rs 3,000 crore a nei a, chutihlaiin mi pangngai te chu electricity man to uchuak avanga tawrhtirin air pollution a nasat phah bawk” tiin a sawi bawk.
“Hei hi hrem tawk ve thianglo PM thian hnai te tun hnai kum sawm chhunga dan bawhchhia leh Indians rethei ber ber te remchanga hmanga basic need electricity man tlawm leh boruak thianghlim te laksaka an intihhausak dan a ni. Air pollution vangin kumtinin Indians 20 lakh an thiziah a ni. PM tan leh a cronies te tan Amrit Kal a ni a, midang zawng tan Vish Kaal a ni” tiin a sawi bawk.
Ramesh chuan Prime Minister chuan he dan kalha chetnaa Adani laka investigation te chu a titawp vek thei a, mahse, Indonesia leh ram dang atanga information pekchhuah chuan PM Modi an a thian te a chhan hma in thudik lailan a nih hman lek lek dan hriatfiah a nih phah tiin a sawi a. Thla thar atang chuan INDIA in sorkar na a chan hnuah a danglam vek tawh ang a ti bawk a.
Thla khat chungin JPC din a ni ang a ‘Modani MegaScam’ coal leh power equipment laa dan kalha an chetdan chhui a ni ang a, Dan kalhin Rs 20,000 crore chuang chu Adani company hnenah a lut a, Modi sorkar chuan Indian sumdawng te chu Adani asset pe lo thei lova siamin Indian consumer te chuan electricity man sang tak leh airport fee te Modi cronies te tihhausak nan tam tak an pe a ni, a ti a. Adani Mod(i)us Operandi hi nguntaka chhuichian a ni ang, tiin Congress general secretary Ramesh chuan a sawi bawk.