Congress leh BJP-in thawk ho
tur angin mi an dek kual thin
– Lalduhoma
Congress party leh BJP ten ZPM nena thawk ho tur angin mi rilru an dek kual thin tih ZPM leader Lalduhoma chuan a sawi.
Mara ADC huamchhunga VC inthlan tura Tipa V-a vantlang inkhawmah ZPM leader chuan hemi chungchang hi sawiin, “Congress party leh BJP zingah ZPM a hrana zawm a tul lo, kan thawk ho dawn tho alawm, tiin mi thenkhat rilru an lo dek kual thin tih kan hria a. Pathian leh mipui zarah kan party hian a mala sawrkar siam theih ngei kan inbeisei a, kan policy nena inmil lo party-te nen rual lo taka nghawngkawl bat ho turin chunglam hian ruahmanna min siamsak loang tih hi kan rin dan a ni,” a ti.
MADC huamchhungah hmasawnna hna thawh tur tam tak a awm thu leh ZPM chuan sawrkar kal tawh leh sawrkar mekte enkawl anga enkawl ve an tum loh thu te, hmasawnna liantham leh innghahna tlak chhawpchhuah sak an tum tlat thu Lalduhoma hian a sawi.
“Leilung hi Pathian ta a ni a, a duhdana rorelna kalpui a nih theihna turin rorelna dik, sawrkar tha kan neih a ngai. Rorelna dik leh tha nei tur chuan kalphung thar, Pathian duhzawnga rorelna siam turin ZPM chuan hma kan la mek zel a, chu rorelna dik siampuitu atan MADC area-a cheng zawng zawng leh Zoram mipui kan sawm a ni,” ZPM hruaitu hian a ti.
Congress leh BJP-in thawk ho tur angin mi an dek kual thin – Lalduhoma
Get real time updates directly on you device, subscribe now.