Urban Employment Guarantee Scheme
kan kalpui ang – Congress president
Lunglei Municipal Council-ah an party an sawrkar chuan a huamchhunga chhungkaw harsate tan Urban Employment Guarantee Scheme an kalpui dawn tih Congress president Lalsawta chuan a sawi.
Inrinnia Lungleia vantlang inkhawmah Congress president chuan LMC inthlan dawn vangin Lungleia chhungkaw tam tak chu ni 100 inhlawhna – MGNREGS a bo tawh dawn avangin an lungngai a, an party-in sawrkarna an chang a nih chuan chhungkaw khawsak harsate chhawmdawlna tur Urban Employment Guarantee Scheme an kalpui dawn, tiin a sawi.
Pathian leh Zoram mipuiin Congress party sawrkarna an pe a nih chuan mipui hnenah ram hrisel leh ram him, chenna nuam an pe dawn a. Chumi atan chuan LMC inthlanah Lunglei mipuiin bul an tan a ngai tih a sawi a ni.
LMC inthlanah MNF an tang em em a, an tan zia lantirtu chu an president leh chief minister ni mek pawh Lungleiah kal loin an khung bet thei niin Lalsawta hian a sawi bawk.
Congress MLA Lalrindika Ralte chuan Congress party-in nasa zawkin ram tan politics kalpui dan an thlakthleng mek niin a sawi. “Mizoram mipui hi politics thar pek kan tum. He hnamin theihna sang tak a neih hi pholan kan duh a ni. Congress hian ngaihtuah thar kan nei, min ring tawk ula, Pathian leh nangni nen chuan in rin ang hi kan ni zel ang,” a ti.
Urban Employment Guarantee Scheme kan kalpui ang – Congress president
Get real time updates directly on you device, subscribe now.