Congress party ten manifesto tlangzarh

April 5 khan 2024 Lok Sabha election a Congress party manifesto chu tlangzarh a ni a. Manifesto hi Congress party leader P. Chidambaram kaihhruai Manifesto Committee siam niin document chuan justice chu thene ah neiin manifesto chu ‘Nyany Patra’ tia koh a ni.
Congress President Mallikarjun Kharge, Congress Parliamentary Party chairperson Sonia Gandhi leh senior leader Rahul Gandhi te chuan New Delhi ah party Lok Sabha manifesto hi an tlangzarh a ni.
Justice theme bawhzuinaah manifesto chuan theme hnihnaah investment hmanga wealth siam a thlurbing bawk a.
“Section pathumna chuan welfare a thlurbing. Tu te welfare nge?” tiin Chidambaram chuan a sawi zui a. BJP sorkar chu ‘mi hausate sorkar, mi hausa ten mihausate tana an siam’ tiin a sawi a. “Keini chuan population a 50% hnuailam te kan thlurbing ang” a ti a. “Congress a sorkar a nih chuan mi vaibelchhe 23 te retheihna ata kan khai chhuak ang. A hma pawhin kan khai chhuak tawh a, kan khai chhuak leh ang” tiin a sawi.
Kharge pawhin thusawina a neihah Congress manifesto chu Babu Jagjeevan Ram pianchamah tak tlangzarh a ni a ti a. “Kan manifesto hi he ram miretheite tan kan hlan a ni” tiin a sawi a.
“Kan manifesto duannaah hian mi tam tak kan rawna mi tam takte rawtna atanga siam a ni. Rahul Gandhi kaihhruaia Bharat Jodo Yatra kalpui khan justice pillar panga a thlurbing a. A vaiin manifesto ah kan tel vek a, chuta tang chuan guarantees 25 a chhuak leh a ni” tiin kharge chuan a sawi.
Congress party manifesto chuan ‘Paanch Nyay’ or five pillars of justice – ‘Yuva Nyay’, ‘Naari Nyay’, ‘Kisaan Nyay’, ‘Shramik Nyay’ leh ‘Hissedari Nyay’ te bakah mipuite hnena guarantee a siamte chu thlurbing berah a nei a ni.
Manifesto ah chuan party chuan ram pum huapin Socio-Economic leh Caste Census kalpuiin castes leh sub-castes te socio-economic dinhmun dik tak hrefiahin chubakah SC, ST leh OBC tena reservation 50% cap an neih chu tisang turin constitutional amendment siam an intiam bawk a ni.
Congress president Kharge chuan, “Mi tinte kan manifesto te uluk taka zirchiang turin ka ngen a ni” a ti a, “Thuneihna kan chan hunah chuan mi retheite chenna in kan tlawh chhuak ang. PM Modi hian kan mite la-in ‘400 paar’ MPs a ti a ni’” tiin a sawi bawk.
Thil eng emaw tia hlauhna neite chauhin party chhuahsanin BJP an zawm tiin a sawi bawk.
Congress Working Committee (CWC) chuan March thla khan inhmuhkhawmna neiin party manifesto tur te uluk taka enfiahna leh ennawnna an lo nei tawh a ni.

Congress manifesto a langsar zual te
– Five ‘pillars of justice’ — ‘Yuva Nyay’, ‘Naari Nyay’, ‘Kisaan Nyay’, ‘Shramik Nyay’ leh ‘Hissedari Nyay’ thlurbing.
– Central sorkar hnuaia sanctioned post 30 lakh ruak mek te hnawhkhah
– Thleibikna nei hauh lovin economically weaker sections (EWS) te tan hna, zirna In ah te 10% quota siam
– Rajasthan a model of cashless insurance Rs 25 lakh thleng hman theihna chu ram puma kalpui
– SCT, ST leh OBC reservation 50% cap chu tihsan
– Ram pum huapin socio-economic leh caste census kalpui
– ‘Right to apprenticeship act’ siamin diploma holder kum 25 hnuailamte kum khat apprenticeship pek
– Swaminathan Commission rawtna angin Minismum Support Prices legal guarantee pek
– Khawpuia cheng mirethei tena construction lama hna an neih theih nan urban infrastructure