Congress ten External Affairs Minister Jaishankar chhang let

Congress te chuan S. Jaishankar chu ‘India Foreign Minister ni tawh zinga hlawhchham ber’ tiin an sawi a, Indian armed forces te Indo-China border a ramri venghimtute hmusitah leh China lam awna tawng neiah an puh bawk.
Congress thupuangtu Supriya Shrinate chuan Delhi-a press conference a neihnaah, “India Foreign Minister hlawhchham berin interview a neihah economy te ber kan ni a ti a, China chu economy lian zawk niin kan do thei lo a ti a. Eng nge a sawi tum awmzia? Kan ram venghim turin theihna kan nei lo a tihna em ni, China enin zawhna zawt ngam kan ni lo tihna em ni?” tiin a sawi.
Jaishankar hian tun hnaiah ANI ah interview pein chuta a thusawite chuan Indian economy tinghingin armed forces te huaisenna te chu a dah hniam a ni tiin Supriya Shrinate chuan a sawi.
“Ramri venga ding mek te leh kan territorial integrity humhima theihtawp chhuah bei mek te hi economy te zawk kan ni a, China chu economy lian zawk a nih avangin kan do tur a ni lo tih hrilh kan mamawh lo. Hei hi Foreign Minister-in intihhmingchhiatna nasa ber a sawi a ni,” tiin Shrinate chuan a sawi zui a.
Hliam awmsa tawh hnawih nawn leh tia sawiin Shrinate chuan Jaishankar hian China-a Indian ambassador ni rei ber a nih thu sawiin chuta a thiamna te chu a sawi lang a ti bawk a. Shrinate chuan April 2020 hnua status quo eng hunah nge a ngai anga dah leh a ni ang tih leh eng vanga China nena trade deficit kan neih billion dollar za tela tipung nge kan nih a ti bawk a. “Chinese Army tena kan ram an luh theih nan hian a funding kan tum a ni,” tiin Shrinate chuan a sawi zui bawk.
Hei mai bakah hian China-in India ram 2000 square kilometres dawna thui a chhuhsak chungin India chu eng vanga ngawi reng nge a nih a ti bawk a. Patrolling point te chu buffer zone-a leh a ni tawh a, China chuan Pangong Tso Lake chhehvelah Doklam ah te military leh transport infrastructure te a din mek a ni, tiin a sawi bawk a.
“Ramri buaina hi kum 1967 atangin kum 50 dawn chu kum 1987 a thil thleng tih lohah chuan a dam dup a ni. Eng vangin nge tun hnaiah ramri kana thiltih a pun nasat tak em em? Tuna border infra policy hi kum 2006 a UPA sorkar sia kha ni a. Kawngpui, tunnel, actively mark te hi kum 2006 a Shyam Saran task force tena an ruahman vek a ni a, kawngpui, tunnel leh high landing ground heavy aircraft te tum theihna tur hi kum 2008 a siamtan kha niin kum 2014 khan peihfel deuh vek hman a ni,” tiin a sawi bawk a. BJP sorkar chu Congress kaihhruai UPA sorkar thiltih te hmingthat lak tumah a puh bawk.