Congress te chuan External Affairs Minister S Jaishankar an Rahul Gandhi chu ram pawn lama national politics aupui tia a sawisel chungchangah amah minister a dahtu ngei PM Modi chu chutiang ching chhuak hmasa ber zawk a ni an ti.
Congress general secretary Jairam Ramesh chuan, “Ram pawna ram chhung politics aupui hmasa ber chu amah Jaishankar ngei minister a dahtu PM Modi a ni. I hre reng a, i pawm duh lo a nih kha Dr Minister” tiin a sawi a.
Congress general secretarytho Randeep Surjewala pawhin Bharatiya Janata Party te chuan external affairs minister hnenah hian ‘old script’ an pe a, a thar chhiar rawh se, tiin a sawi bawk a.
“Prime Minister ngei hi a nia sorkar hmasa te kum 70 history nuihzasiam nana hmang tu chu ni. Rahul Gandhi hian thudik tak sawiin kan constitutional body te awm ze nei taka beiha a awm thu a sawi mai a ni” tiin Surjewala chuan a sawi bawk.
A hma in Jaishankar chuan Rahul Gandhi chuan ram pawnah ram chhung politics sawi a ching tiin a sawi a. Rahul Gandhi chu sawiselin khawvelin India chu a en reng thu leh inthlan te chu a thenah party chak an awm a, a thenah an chak lo mai a ni tiin a sawi bawk a.
“Sorkar sawiselna hrang hrang te hi ram chhunga chhuak vek a ni a. Chuta duh anga langsar lova an ngaih chuan ram pawnah an keng chhuak thin a, ram pawn boruak chuan India a nghawng an beisei vang a ni” tiin Jaishankar chuan a lo sawi tawh a ni a ti a.
Jaishankar chuan national politics ram pawna aupui chuan Rahul Gandhi a tiropui zual dawn chuang lo tiin a sawi bawk.
Congress ten Jaishankar zilh let ve
Get real time updates directly on you device, subscribe now.
Next Post