Lallunghnema
Charity Lodge
Cont: 9862288182
-- Advertisement --
Mahni chauhva ka awm châng a, ka ngaihtuah fo thin chu, ‘Pathian min duan dan hi a va mak em! tih hi a ni.
Mi chi hrang hrangah min siam a. Kawng hrang hrang min zawhtir a. Eizawnna hnathawh tur chi hrang hrang min ngaihtuahsak a. Mi thiam leh thiam lo te, mi fing leh mi â deuhte pawh kan awm a. Hmêl tha leh tha lo te, hang leh ngote, eng leh var te, ka I chawhpawlh. Mahni zâwn theuhah kan induh tâwk zel mai zawng a nih hi! . Thenkhatin hna rum pui pui an thawk a, thenkhatin hna nêm deuh. thenkhatin Politics an khêl a, thenkhat chuan Kohhran hnuaiah tê hna thawkin Pastor-te an ni a. Ram vei an awm a, Kohhran vei an awm bawk. Keini erawh chuan consumer right leh issue-te kan vei thung a nih hi! Pathian thil rêl dan hi mak ka ti thin.
He consumer khawvela ka thian thenkhat message hi tangkaina a awm dah mial law maw tiin tun tumah hian ka rawn thai lang dawn a ni. Consumer Group kan siamah hian englai pawhin mi 1020 vel hi kan ni deuh reng a. Consumer Awareness pawh he Group hmang hian kan neih tam phah sawtin ka hria a. Kan lawm hle a ni.
Chûng message thenkhatte chu
“Mi thenkhatin a hmunah thlai tharte chu an ‘khar’ a. Bazarah an khar chhawntir leh a, thlaite chu a to phah ta thin a ni awm e. Thlai thar to chhan a ni”.
“In tangkaiin in va hlu thin em? Hrisel takin dam reng ang che u”
“Kan hotute in fakawm thin e. Kan ram tan lo bei zel teh u, Keini thingtlang mite hian beiseina nen kan lo thlir reng a che u. “
“Sairang thleng Rêl a rawn luh hunah chuan thil tam tak hi chu a man a tlawm ve deuh ang chu maw. Transport cost hi a sang em mai a. Hei hian a man a nghawng lo thei lo a ni.”
“Tun hnai thla 2 kal taah khan scooter battery leitu mi 2 in an harsatna tawh thu min hrilh a. Battery zuarte ka biaksak a, a tirah chuan chu dawrkai pa chu a tang khauh viau a, kan han sawi zelah chuan thil a hre thiam a, an inrem ta a. “Vawiin khan Zarkawt atangin Bawngkawn thleng Bus-ah ka chuang a. Rs. 20 tur conductor-in a ti a. A ni lo Rs. 15 tur a ni ka ti tlat a. Ka chuang zing a, Rs. 15/- hlir ni dangah ka chawi ka ti ve tlat a. Rs. 15/- chu ka pe lui tlat a. A dawngtu lungawi vak suh, kei lungawi bik hek suh, kan inmelh hrek hrek mai maw le!”
In zawhna leh kan chhannate :
Zawhna : Consumer Commission-a conplaint thehluh(file)na fee a awm em)?
Chhanna : Awm e. Mahse, Consumer Commission hi khawvel court zawng zawng zinga court man tlawm ber a ni. Complaint case 5 lakhs chin hnuai lam chu free a ni a. Chawi a ngai lo
Zawhna : Mîin Consumer Commission hmaah thubuai thehlut dawn se, ukil rawih kher a ngai em?
Chhanna : Consumer Court-a complaint theh luh dawnin ukil rawih kher a ngai lo.
Zawhna : Complaint theh luh dawnin engnge tul hmasa?
Chhanna : Consumer Court-a complaint thehluh dawnin hengte hi hriata tih tur a ni.
Step 1 – I khin tur a hriattir hmasa ang.
Step 2 – Complaint i buatsaih ang.
Step 3 – Relevant document i lakhawm ang a, i thil tel ang. Relevant document te chu :
1) Cash Memo 2) Reciept 3) Voucher etc.
Hengte hian an pui thei ang che.
Step 4 – Court fee a ngaih chuan thil tel tur a ni.
Step 5 – Consumer Commission i pan tur i ti chiang ang a. Chumi hunah complaint chu thehlut dawn a ni.
Zawhna : Complaint Fee hi engtia theh luh tur nge?
Chhanna : IPO emaw bankdraft hmangin registrar hmingin theh luh thei a ni.
Zawhna: Complaint hi engtia siam tur nge?
Chhanna : Complaint hi on-line(E-) in khawi atang pawhin theh luh theih a ni. Complaint chu ziakin kut ziak pawhin plain paper-in Copy 4 i theh lut dawn nia.
Zawhna : Consumer Court hi khawvela court man tlâwm ber(cheapest) leh rang ber(Quickest) tih a ni thin a. Eng nge a chhan?
Chhanna : Complaint chu ni 90 chhungin chin fel tur a ni. Laboratory test ngai a nih erawh chuan ni 150 chhungin chinfel tur a ni thung.
Court man tlawm ber a nih chhan chu complaint hlut zawng Rs. 5 lakhs hnuai lam chu a thlawn vek a ni a. Civil court anga kalpui a thlawn vek a nih vang a ni. Consumer Court hi consumer mangangte tlân khâwmna a ni a. Civil Court ang a kalpui tur a ni lo. A rang thei ang bera chinfel thin tur a ni.
Chhan tha tak awm lova, ni 90 aia rei consumer case chin fel lohva kawl hi thiang lo tluk a ni a. Chuvangin Consumer Commission-te chuan complaint reng reng chu an ngaihtuah thin tur a ni.
Kan sawi thin angin Consumer Court te mipui vantlang nawlpuiin awlsam taka pan theih tura buatsaih a ni a. Heng Consumer Court a thawkte pawh hian mipui mimir mil tur leh thawvenna chauh an ngaihtuah tur a ni ang.