MIZORAM BUDGET 2025-26 THLIR ZAUNA

Huna Kawlvawm

March ni 4, 2025 chawhma lam khan Mizoram Legislative Assembly budget session-ah Mizoram Chief Minister, Finance changtu ni bawk Pu Lalduhoma chuan Mizoram budget 2025-26 a pharh a, Budget pumpui thlirin a tha lam zawnga hmasawnna hmuh tur a awm.
Tangka kum thar 2025-26 Budget zat chu Rs 15,198.76 crore (15,19,876 lakh) a ni a, tun 2024-25 14,412.94 crore aia a punna hi Rs 786.62 crore ( 5.45%) a ni a, Budget hman lai mek 2024-25 hi kum hmasa 2023-24 aia a punna kha 1.42% a ni. Rs 786.63 crore (78,663.87 lakh) laia 2025-26 Budget pung hi punna tha tih loh chi a ni lo ang.
Supplementary Demand for Grants 2024-25
Tangka kum thar 2025-26 Budget pharh rual hian a hrangin tun kum kal meka 2024-25 sum indaihloh dil belhna (supplementary demand for grants) Rs 3,512.33 crore pharh nghal a ni a, kum hmasa 2023-24 Budget-ah khan Rs 3,294.15 crore pharh a ni thung.
Budget sum indaih lohna dil belh (Supplementary Demand for grants) zingah a lian zual deuh deuh te chu : Public Works Rs 73, 521.09 lakh, Urban Development & Poverty Alleviation Rs 36,123.58 lakh, Finance Rs 32,352.28 lakh te, Health & Family Welfare Rs 26,176.41 lakh te, Power & Electricity Rs 23,533.32 lakh te, Disaster Management & Rehabilitation Rs 22,212.80 lakh te an ni.
THLIRNA TLANGPUI
Mizoram Budget 2025-26 thlir zauna hi tum khatah chuan a thui tham deuh dawn avangin then hran ( part 1,2 3) ang zawnga luh khung tum phawt mai teh ang.
I. REVENUE RECEIPTS
(Rupees in lakh)
Bracket chhunga percent (%) dah hi Budget pumpui atanga tehna a ni.
A. State’s Own Tax Revenues 147826 = 9.72%
B. State’s Own Non Tax Revenues 113807=7.48%
Total (A, B) 261663 =17.21%

C. Devolution of Central Taxes & Duties 7,11,223 = 46.80%
D. Grants-in-Aids from Central Govt 3,21,905 =21.18%
Total (C, D) 10,33,128) =67.98%

TOTAL OF REVENUE RECEIPTS 12,94,761 (85.19%)

II. CAPITAL RECEIPTS

E. Public Debt Rs 2,22,618= 14.64%
F. Loans & Advances 2,494.00 = 0.16%

Total (E, F) 225115.00 = 14.81%
GRAND TOTAL 15,19,876
GROWTH RATE 5.45%

CHHINCHHIAH ATAN
1. State’s Own Tax Revenues atanga hmuh tum Rs 1,47,826 lakh a ni a, 2024-25 a hmuh tum Rs 1,31,242.20 lakh aiin 12.64% in a pung a, Budget atanga hmuh tum pumpui atangin 9.72% a tling phak a ni.
Tun hma lamah State Own Tax Revenue atanga sum hmuh tum zat hian 7% a tling ngai meuh lo. Tangka kum hnih chhung hian 9.10% leh 9.72% in hma a rawn sawn chho ta hi hmasawnna lawmawm tak a ni.
2) State Own Non-Tax Revenue atanga hmuh tum zat Rs 1,13,807 lakh a ni a, 2024-25 Budget a hmuh tum Rs 1,12,238.93 lakh aiin Rs 1,568.07 lakh in a pung a, a punna hi 1.31% a ni. Budget pumpui atangin 7.48% a tling. Mizoram Sorkar Department hrang hrangte Sorkar sum chhun luhna lama hma an lakna a ni. A hma kum khan 25.12% in a pung dawrh a, hemi atanga pun leh nghal hi a harsa tih a lang thei.
State Own Tax Revenue leh Non Tax Revenue hmuh tum hi Rs 2,61,633.00 lakh leh Rs 2,43,481. 03 lakh a ni a, 2024-25 Budget hmuh tum Rs 2,43,481.03 lakh aiin Rs 18,151.97 lakh in a pung a, a punna hi 7.45% a ni a,
Mizoram atanga chhiah khawn – State’s Own Tax Revenues leh State’s Own Non Tax Revenues belh khawm chu Budget pumpui atangin 2023-24 13.94% a ni a, 2024-25 Budget-ah 16.89% a ni a, 2025-26 Budget ah 17.21% ah a rawn sang chho ta a. Hetianga state chhung atanga sum thawh leh khawn khawm a pung chho thei hi hmasawnna leh Mizoram Budget a chhinchhiah tlak a ni.
Central atanga sum hmuh tur – Devolution of Central Taxes & Duties hmuh tum hi Rs 7,11,223 lakh (46.80%) a ni a, 2024-25 Budget-ah Rs 6,09,893.00 (42.31%) a ni. India ram chhiah khawn theih chi hrang hrang atanga 15th Finance Commission-in Mizoram chanvo tur 0.500% a tih atanga hmuh tur a ni. Thla tin India ram GST chhiah khawn a pun zel avangin tangka kum tawpah chuan Budget a dah zat ai hian Mizoram share of Taxes and Duties hi pung ngei tura ngaih a ni.
Grants-in-Aids from Central Government hi Rs 3,21,905 lakh a ni a, tun tangka kum kal mek 2024-25 ah hian 35,275.10 lakh a ni a, heng zinga hlawm lian ber Post Devolution Revenue Deficit Grant (PDRDG) a ni. PDRDG state te hnena pek chhuah hi 15th Finance Commission rawtna anga tlem tial tial a, zuih ral tura tihsa a nih vang a hniam zelin, tun tangka kum hi a zuih ralna a ni a, a tawpna Rs 586 crore chauh anih tawh vanga tlem a ni.
Capital Receipts head hnuai atanga sum hmuh tum – Public Debt atangin Rs 2,22,618 lakh dah a ni a, 2024-25 Budget-ah Rs.1,99,203 lakh a ni, 2023-24 Rs 2,68,971.60 lakh a ni.
Loan and Advances (Sorkar hna thawk etc loan rulhna) atanga hmuh tum hi Rs 2,497 lakh a ni a 2024-25 Budget-ah Rs 3,360 lakh a ni.
Capital Receipts atanga sum hmuh tum zat hi Rs 2,25,115 lakh a ni a, Budget 2025-26 atangin 14.81% a ni. 2024-25 Budget-ah Rs 2,02,563.00 lakh a ni. Tangka kum hnih kal ta 2023-24 Budget-ah 2,72,332.10 lakh a ni a, Budget pumpui atangin 19.16% a ni.
SUM PUK
Sum hman tura ruahman zat hi sum hmuh tumin a khuh zo lo a, a khuh phak lohna zat chu puk tura ruahman a ni.
Entirna :
Budget 2025-26-a Mizoram Sorkar sum hman tura ruahman zat hi Rs 100 ni se, sum hmuh theih zat chu; State Rs 17.21, Central Rs 67.98= Total 85.19 a lo ni ta a, a daih lohna zat Rs 14.81 hi puk atul ta a ni. Tangka kum hnih kal ta chhunga Budget atanga sum puk zat chu hetiang hi a ni.
2024-25 Budget-ah 14.05
2023-24 Budget-ah 19.16

SUM PUK CHUNGNUNG
Mizoram Sorkar-in kum khat chhunga sum hman tur a mamawh zat hi State chhung atanga chhiah khawn khawm chi hrang hrang leh Central Sorkar chhiah khawn tling khawm leh tanpuina a dawn khawm hian a khuh phak thin lo a, a khuh phak lohna chu puk a lo ngai ta thin a ni.
Tun dinhmuna Mizoram Budget-a sum puk ngai lo tur chuan state chhunga chhiah khawn te hi a let hnih deuh thaw a tih pun ngai a ni. Hemi ni lo, khawi atang mahin tu party pawh Sorkar raw sek sek a bika sum puk ngai loa sum hmuhna tur an nei lo.
Union Budget leh State Budget kal phung hi tehkhin hleihtheih ni chiah lo mah se, kal phung inang a nihna chen a awm. Kumin 2025-26 Union Budget kan en chuan sum hmuhna lian lawt lak chu sum puk (Borrowing and Other Liabilities) niin sum hmuh tum atanga 20% lai a tling a, GST and Other Taxes 18%, Corporation Tax 17% te hi sum hmuhna hlawm liante an ni.
Chuvang Mizoram state Budget-a sum puk hi Setana leh Diabola ai pawha sual leh chhe zawk ang maia sawi thin leh inpuhmawh leh inchirhthehna atan Mizoten hman kan chin hi Budget kal phung leh kal hmang hriat tawk loh vang a ni thei khawp ang. Hmanhmawh taka sim ngei ngei chi a ni.
Mizoram Budget
Mizoram Union Territory kan nih hlim kum 1972-72 atanga 2025-26 thlenga Budget Estimate chu hetiang hi a ni e. (Rupees in crore) :

Fin Year Amount %
1972-73 17.92 –
1973-74 23.63 31.86
1974-75 28.87 13.71
1975-76 30.77 6.58
1976-77 42.89 39.39
1977-78 46.65 8.76
1978-79 56.23 20.53
1979-80 71.24 26.69
1980-81 76.79 7.79
1981-82 83.59 8.85
1982-83 91.48 9.44
1883-84 111.88 22.30
1984-85 129.73 15.95
1985-86 167.28 28.94
1986-87 220.31 31.70
1987-88 229.36 4.10
1988-89 332.27 44.87
1989-90 343.17 3.28
1990-91 403.38 17.55
1991-92 437.05 8.35
1992-93 461.96 5.70
1993-94 554.40 20.01
1994-95 591.71 6.85
1995-96 645.21 9.04
1996-97 733.90 13.75
1997-98 851.16 15.98
1998-99 882.52 2.67
1999-00 1,014.57 14.96
2000-01 1,087.40 7.18%
2001-02 1,217.61 11.97
2002-03 1,294.53 6.32
2003-04 1,380.98 6.67
2004-05 1,540.88 11.58
2005-06 1,802.11 16.96
2006-07 2,036.70 18.02
2007-08 2,322.92 14.05
2008-09 2,625.03 13.00
2009-10 3,867.41 47.33
2010-11 3,719.66 (-) 3.82
2011-12 4,062.83 9.23
2012-13 5,327.25 31.12
2013-14 5,397.34 1.32
2914-15 6,951.06 28.79
2015-16 7,756.83 11.59
2016-17 8,218.65 5.95
2017-18 8,803.10 7.11
2018-19 9,672.64 9.88
2019-20 10,872.57 12.40
2020-21 10,895.27 0.21
2021-22 11,330.89 4.00
2022-23 14,190.15 25.23
2023-24 14,209.94 0.13
2024-25 14,412.12 1.42
2025-26 15,198.76 5.45

Sources :
Mizoram Budget 2025-26
Mizoram Legislative Assembly, Golden Jubilee Souvenir