Coop society-in khawmpui hmang

Coop society-in khawmpui hmang
Large Size Agriculture Multipurpose Co-operative Society (LAMPS) Ltd. Champhai chuan Inrinni khan Annual General Assembly 2023 Champhaiah an hmang a. District bawrhsap James Lalrinchhana leh district cooperative officer B.Lalchhandama ten an hmanpui.
Bawrhsap chuan LAMPS Ltd ah shareholder 279 an tling thei chu inlungrualna tha tak vang a ni, tiin, an pawl hmalakna pangngai bakah faina kawngah chhuanawm a tih thu a sawi a. Khawtlang leh ram sum leh pai dinhmun chawisan kawnga tangrual zel turin a chah.
Rampawn atanga thil lakluh titlem tur leh mahni intodelh thei tura tan lak a pawimawh tih James Lalrinchhana hian sawiin, “Keimahni ngeiin kan nitin mamawh kan thar chhuah theih chuan a hlawkna pawh kan têl thei dawn a ni,” a ti.