Coop society inenkawl dan zirtir
NABARD bultum Tribal Development Fund (TDF5) hnuaia Khawbung RD block huamchhunga apple chingtu, Tuipuiral Apple Growers Cooperative Society Ltd. member-te chu Northeast Initiative Development Agency (NEIDA) buatsaihin Inrinni khan cooperative society inenkawl dan zirtir an ni.
Cooperative society-te inrelbawl dan leh kuthnathawktute tharchhuah tihralna thlenga a pawimawh dan te, NABARD hnuaia farmer producer’s organisation te tana hamthatna dawn theihte hrilh an ni.
NEIDA hian kum 2020 atang khan Tata Trusts leh development finance institution hrang hrang kaltlangin Champhai district-a loneitu leh khawsak harsa zawkte chawikan hna an thawk a. Tata Trusts bultum Integrated Livelihood Promotion hnuaiah Khawbung RD Block chhunga khaw 6-a loneitu 352 tan vaimim leh chana chin hna an kalpui tawh a; he project-ah hian AH & Vety department nen tangdunin loneitute tharchhuah vaimim quintal 612, cheng nuai 12 hu an lei sak a ni.
NEIDA hian Champhai leh Khawzawl district-a khaw 41 tan springshed management an kalpui dawn bawk a; he project kaltlang hian tuihna chak tawh lo leh kangchat tawhte tih nun thar lehnan groundwater recharge hna an thawk dawn a ni. NABARD nena thawhhona Farm Sector Promotion Fund hnuaiah Ruantlang loneitute tan zikhlum leh chana chin hna an buaipui a, Horticulture department nen pawh an thawkho mek.
Heng bakah hian NABARD project hnuaiah Tribal Development Fund (TDF6) hnuaiah Khawzawl district-a khaw paliahte Dragonfruit chin tir turin hma an la a. NEIDA hian a hmunah thlai tui pek tur hnianghnar zawkna’n diversion based irrigation hmangin tuilakna an buaipui sak a ni.
Coop society inenkawl dan zirtir
Get real time updates directly on you device, subscribe now.
Prev Post