Lei dawh thar hawng

Lei dawh thar hawng
Electric Veng YMA thlanmual thar panna tur lei dawh chu Inrinni khan Aizawl North III bialtu MLA C Lalmuanpuia’n a hawng.
Lei dawh thar hi Electric Veng thlanmual hlui a\anga thlanmual thar ri-na kawrkana dawh a ni a, UD&PA department sum nuai 30 senga dawh niin, ni 80 chhunga zawh a ni. Feet 74-a thui, feet 15-a zau niin, a chhuat pawh inchi sariha chhaha chhun a ni a, ban phunaah lung nghet taka rem a ni bawk.
YMA Electric Veng Branch president C Lalrokhuma chuan lei thar dawhna tura sum ruahman saktu UD&PA department, an veng pa – minister Lalchamliana, bialtu MLA C Lalmuanpuia leh an venga tlawmngai pawl hrang hrang, Local Council leh political party te chungah lawmthu a sawi.
Lei dawh hawngtu bialtu MLA chuan, lei dawhna tura sum ruahman a tam lo chunga khawtlangin \ha taka an dawh thei chu fakawm a tih thu a sawi a. Tlawmngai pawl, Local Council leh political party te tanrualna lawmawm a tih thu a sawi.