Corporator-in school mamawh pe

AMC executive corporator, Ward No.IX vawngtu B Lalawmpuii chuan a bial chhung Chhinga Venga sawrkar school a tlawh kual a. School mamawh hrang hrang a pe.
Chhinga Veng Primary School-I hnenah sumfai Rs. 31000 leh PA set; Chhinga Veng Middle School hnenah choka cheithatna atan Rs. 40000; L. Buana Primary School bula RCC hmanga tuihawk luankawr siamna atan cheng nuai khat a hlan a ni.
School a tlawhnaah zirtirtute chu hnam rohlu an ni, tiin, zahna chibai a buk a. Faina ngaipawimawh tur leh aia upa zah inzirtir thar a tul thu a sawi. Zirna lama hma an sawn theih nan theihtawpa thawhpuiah school-a thawktute leh zirlaite a sawm tih a sawi bawk.