Court-in Professor Saibaba leh a thiante thiam chantir

Nagpur Bench of Bombay High Court chuan Delhi University professor G.N. Saibaba kum 55 a upa leh midang panga maoist te nena inzawmna nei tia mana Unlawful Activities Prevention Act (UAPA) hmanga lung in a khung chu thiam chantirin a chhuah zalen.
Division Bench of Justices Vinay Joshi leh Valmiki S.A> Menedes te chuan judgement an siamah Saibaba puhna tinah thiamchantir vekin prosecution te chuan engmah finfiahna an nei lo an ti a ni.
A hmaa thiamloh chantira dam chhung lung in tang tura lo tih tawhna chu hearing neih that leh ngiatin Saibaba, Mahesh Tirki, Hem Mishra, Pandu Narote, Vijay Tirki leh Prashant Rahi te chuan an khing a ni.
Bench chuan wheelchair a awm professor Nagpur Central Jail a dah ngenna chu ngaihtuah nawnin thiam a chantir ta a ni.
October, 2022 daih tawh khan High Court Bench pawhin professor chu thiam a lo chantir tawh a. March 2017 khan Gadchiroli a sessions court chuan Saibaba leh midang panga te chu Maoist te nena inzawmna neiin India do in chet an la a ni tiin thiamloh a chantir a.
Khami tuma session court hearing neihah khan Saibaba leh midang aphnih te chuan puhna te chu hnawlin naxal literature tehdarha puh leh Gadchiroli mipui te fuihpawrh tia puhna te chu an hnawl a ni.
Sessions Court in Section 45(1) of the UAPA hmanga thiamloh a chantirna chu Saibaba chuan Bombay High Court ah khingin hatihlaia High Court Justive Rohit B. Deo pawhin Saibaba leh midang panga te chu thiam a lo chantir tawh a.
High Court in judgement a siamah, “Firfiakna chu national security atana hlauhawm niin engti kawng pawha ngaihthah loh tur a nihi rualin civil democracy chuan firfiaka puh ringawtte himna tur a hnawl ngawt thei lo” tiin a sawi.