COURT RORELTU JUDGE LEH UKIL TE, AN FAIR EM?

ZD. Lalvunga

Mizoram War of Independent Movement hun alo tawpin, Remna leh Muanna kan neiin, Peace Accord ang chuan, Division Bench ni lo Full fledge, High Court hial nei thei kan nih laiin, High Court Judge-ah Mizo ngei kan nei ta thluah mai. Mizo Mipui tam ber te hian Court Judge &
Magistrate kan hmuh dan a inang lo thluah awm e.
Heng zingah hian, Advocate/Ukil te pawh mipui ten kan hmuh dan leh hriat dan pawh a hrang viau hlawm awm e, Ukil-te hi Court officer an ni a, Judge te leh Ukil te hian Court hi an insem ti ila a dik ang. Mipuite hian Ukil kan rawih hian kan rawih loh lam Ukil te hi, kan Hmelma en mai thin niin a lang a. Mahse, chutiang chu an ni lo, kan Ukil rawih ni lo kan lam lo zawk kha, thubuai dangah kan ruai ve leh thiang tho a ni, kan lam tang lo min eptu kha kan rawih ve leh chuan kan tan theih tawp an chhuah leh ngei thin a ni tih kan hriat a tha.
UKIL TE HI :- Internet-ah leh thil danga kan hmuh angin (AI) (Artificial Intelligence) AI-ah pawh Bar Council of India Rules, part IV Chapter 2 (Standard of Professional Ethics and Etiquette Rule 6-ah chuan, Advocate shall not enter appearance, act, plead or practice in any way before a court, Tribunal or Authority Mentioned in Section 30 of the Act. If the sole or Member thereof is related to the Advocate as Father, Grandfather, Son, Grandson, Uncle, Brother, Nephew, First Cousin, Husband, Wife, Mother, Daughter, Sister, Aunt, Niece, Father-in-law, Mother-in-law, Brother-inlaw, or Daughter-in-law, tih a chuang kuau mai a ni.
Court-hi dik tak leh fair taka a kal theih nan, Judge, Justice-te hmalakna ropui tak tak te pawh hmuh tur tam tak a awm nual a ni. Justice Abhy Manohar Sapre chu Madhya Pradesh High Court-ah Additional Judge atan Dt. 25.10.1999 khan lakluh a ni a, khatih lai khan a fapa pawh Ukil niin Law-a practice ve mek a. Madhya Pradesh High Court Judge a lo nih a, a fapa High Court hnuaia Ukil hna a thawh chuan, miin ngaih dan dik lo an nei thuai dawn a, a pa Judge a ni a, a fapa hi ruai ila a tha ang an tih mai a hlau a. Hmanhmawh takin Supreme Court Chief Justice a hmu a, an ram State Madhya Pradesh High Court ni lo, khawi High Court ah pawh min sawn rawh tiin a ngen a.
Rajasthan High Court-ah sawn a ni ta a ni. Ringlo mite kan tih hi rorelnaah pawh, “Ringtu nun” kan tih ang hi an lo keng tel tlat niin a lang a ni. Tin, Advocate-te chu, Bar Council of India Rules, Part IV Chapter 2 (Standard of Professional Ethic and Etiquette) Rule 6 angin an laichin hrang hrang leh an thisen zawm hnaivai Court-ah an dingin an practice tur a ni lova, chutiang ang chu roreltute chuan an phal tur a ni lo, Dan bawhchhiatna lian tak leh thiang lo a ni.
Tunhnai lawk khan Supreme Court Chief Justice kal chhuak ta, Justice Dhananjaya Yeshwant Chandrachud-a kha a pui khawp asin. Chief Justice of India hna a chelh tantirha a thusawi kha…
Law ka zirchhuah hlim khan ka pa kha Chief Justice of India a ni mek a. Ka pa chuan, “CJI ka nih chhung chuan, Ukil hna thawk turin Bar i zawm tur a ni lo, CJI ka nih mek laia, Ukil hna i thawh chuan, mi tu te pawh thubuai nei leh nei lo ten, influence tha lo nei turah an ngai vek dawn che” a tih avangin ka tum loh thleng thleng Doctorate Degree thleng rawk USA-ah ka zir phah ta a ni, a ti.
Keini ringtu inti te hian engtin nge kan tih ve ang le, ring lo mite hi an lo entawntlak viau mai.
Dikna leh rinawmna hi an pianpui emaw tih awl tak a ni. Keini Mizo Kristian inti te zingah hian eng ang nge kan sukthlek tih hi a lo lang ve ngei ang a, ringlo mite tih ang Court System hi kan ti ve thei turah ngai ila. Hetiang kalphung hi, ringlo miten an tih ang hi, kan entawn tur zawkah ngai ila, Court rorelna a rintlakin mipui tan a thlamuanthlak ngawt ang le. Dikna leh Rinawmna hi kan Ethic tlangpui ni mawlh teh se.