Court thupek angin jail tlawh

Supreme Court of India-in Sonadhar -vs- State of Chhatisgarh inkhinna thubuai kal lai meka order a siam leh Gauhati High Court Principal Bench-in Writ Petition (Civil) (Suo Moto) No.8 of 2018-a order a lo pass tawh angin Zirtawpni khan Mizoram State Legal Services Authority member secretary R Vanlalena chuan Champhai District Jail a tlawh.
Jail chhunga mi tang awm thei zat, mipa leh hmeichhe tang zat leh jail tang lai court-lamin bail an phalsak tawh si, engemaw harsatna avanga la chhuak thei lote chungchang endik tura jail hi tlawh a ni a. Tun dinhmunah Champhai Jail-ah hian mipa 129 leh hmeichhia 13 an tang a, naupang 3 awm telin an vaiin 145 an ni. MSLSA member secretary hi Addl. District & Sessions judge Sylvie Z. Ralte leh Champhai DLSA secretary leh chief judicial magistrate ni bawk V. Vanlalhriata ten an tawiawm.
Addl. District & Sessions judge chuan ruihhlo thatloh zia leh ruihhlo do tura tan lak a ngaih zia te, jail-a an awm chhunga nun inthlakthleng a, khawtlang leh ram tana ke pe turin jail tangte a fuih.
MSLSA hotu hian Champhai District Court a tlawh nghal a. LADCS office thar turte enfiahin bungrua a hlan a ni.