Cricket World Cup 2023: Disney+ Hotstar streaming record

October ni 23-a India leh New Zealand-in ICC Men’s Cricket World Cup 2023 an khelh lai khan Disney+ Hotstar chuan an streaming app-ah he inkhel hi entu an tam lai berin vaibelchhe 4.3 an nei thei a, India-a streaming app-a tum khata entu tam ber record a ni. A hmaa hetiang record pawh tun tum World Cup-a India leh Pakistan inkhel kha a ni a, India leh New Zealand hian a rawn khum ta a ni.
ICC tournament-ah India-in 2003 World Cup-a New Zealand an hneh hnuah, kum 20 hnua ICC tournament-a New Zealand an hneh lehna hmasa ber a ni nghe nghe.
Tun tum World Cup-ah tho hian October ni 14 a India leh Pakistan inkhel chu Disney+ Hotstar-ah hian entu an tam ber laiin vaibelchhe 3.5 an tling a, hei hi record niin, mahse, record hi a ding rei ta lo a, India vs New Zealand-in a rawn khum leh ta a ni.
Disney+ Hotstar hian ICC Men’s World Cup 2023 hi mobile phone atanga a thlawna en theih turin an stream a, hei bakah hian he streamling platform hian feature thar an nei nual a, live feed leh video streaming feature an upgrade a, AI-based video clarity enhancement an tithar bawk. ICC nena thawk dunin Disney+ Hotstar hian MaxView an tithar a, hemi hmang hian match hrang hrang te portrait mode-in a en theih a, Always-On Cricket Scorecard Pill hmangin score a ngaihven theih reng bawk.