CSS thawktuten special scheme an nghakhlel

Central sponsored scheme kaltlanga Mizoram sawrkar hnuaia thawk mekte chuan an hamthatna atana special scheme siamsak tum an ni chu lawmawm an tih thu an sawi a. Hman thuai a nih theihna’n nghakhlel takin an thlir mek tih an sawi.
All Mizoram CSS Employees Coordination Committee (AMCECC) thuchhuak chuan, hun rei tawh tak ata sawrkara an dil leh phut anga CSS employee-te a tahtawla dahnghehna tur, medical re-imbursement an bill ve theihna tur leh hamthatna hrang hrang kumin July 31-a Council of Ministers thukhawmin ‘special scheme’ a pawmsak chu lawmawm a tih thu a sawi a. He scheme siam a nih theihna tura zirchiang a, thahnemngai taka buatsaih saktu sawrkar official-te leh a hlawhtlin theihna tura theihtawp chhuahsaktu chief minister Pu Zoramthanga leh Council of Ministers chungah an lawm hle tih a sawi. A tir atanga tha thlah loa tha leh zung sengtu AMCECC affiliated member-te hmalaknaah lawmthu a sawi bawk.
‘He special scheme hi CSS employee-te chuan kan hman thuai theihna turin nghakhlel takin kan thlir mek a, a buaipuitu official te pawhin theihtawp min chhuahsak zel turin kan ngen a ni,’ a ti.